Jessy, umamin sa mga insecurities

ni Eli San Miguel - Trainee @Entertainment | February 11, 2024

Nagtapat ang aktres na si Jessy Mendiola na may mga insecurities siya kahit isa siya sa mga pinakamagandang artista sa bansa.

“Oo naman, paminsan-minsan nai-insecure rin ako,” sinabi ni Jessy nang tanungin tungkol sa mga insecurities niya sa isang product launch event sa SM Megamall.

Paliwanag pa niya, “Noong nanganak ako, nagbago na ang shape ng katawan ko. Sometimes after mo manganak, sa mga mommy, may hairfall, may hair loss, skin becomes dry, and our nails become brittle. Mangyayari talaga 'yun, eh. Part 'yun ng insecurities ko so ginagawan ko na lang siya ng paraan. So I take my vitamins, and I workout. So fight lang tayo. Laban!”

Ibinahagi rin ni Jessy na ang kanyang konsepto ng kagandahan ay nagbago matapos siyang ikasal at maging isang ina.

“In life, the only constant is change. I always remind myself to accept myself in whatever season I am in. So from singlehood to getting married to Luis, motherhood, talagang mag-iiba: career, skin, body, mindset, priorities, and goals,” aniya.

Bilang isang ina, nagbigay naman ng payo si Jessy sa ibang kababaihan na, "The best advice is to accept the change in life. And that's the time you work on your new self. That's what I do, and it makes things easier. Noong hindi pa ako nanganganak, meron tayong time magmuni-muni sa umaga. Pero now, paggising mo, direcho ka na sa anak mo. I accept the change and my new self. I try to be the version of myself from now on."