JAKE, DEDMA SA HIRIT NI KYLIE NA WALANG PINAGSISISIHAN SA BREAKUP NILA

ni Nitz Miralles - @Bida | June 2, 2022

Tsinek ng mga fans nina Jake Cuenca at Kylie Verzosa ang Instagram ng aktor kung may reaction na ito sa interview sa ex-GF ni Vice Ganda sa vlog nito.

Ang ganda ng interview kay Kylie at 'yung sinabi niyang wala siyang pinagsisihan sa relasyon nila ni Jake at ang akala niya, ang aktor na ang kanyang “the one.”

Pero, walang reaction si Jake dahil siguro sa wala pang nagtatanong. Ang latest post ni Jake ay ang pasasalamat kay Iza Calzado.

Nabanggit din ni Jake na “love team” ang tawagan nila ni Iza.

“I just want to say thank you to @missizacalzado for making this past month of filming so smooth and satisfying. It wasn’t easy jumping from set to set and I wasn’t at my best coming into this but you certainly brought out the best in me and made the whole process so fun and enjoyable for the both of us. Thank you for being the amazing human being you are to everyone on the set and thank you for being the best leading lady anyone could ever ask for.”

Naiyak si Iza sa post na ‘yun ni Jake na tribute na nga ang dating. Ang ganda rin ng sinabi ni Iza na “Allow me to publicly express my love and respect for the human being that you are. Grateful for you, love team.”

Kung wala lang sigurong asawa si Iza, may mga magseselos na fans. Pero malinaw naman na close friends at love team lang sina Iza at Jake.

May humirit pa ring fans sina Jake at Kylie na sana raw, may reaction ang aktor sa interview sa ex-GF.