Inuumaga pa raw… ISABELLE, BUKING NA NAGSASAYAW SA IBABAW NG MESA SA BAR

ni Julie Bonifacio - @Winner | January 16, 2022

Nagkita-kita ang magkakaibigan at tatlo sa grupong 'It Girls’ na sina Isabelle Daza, Solenn Heusaff at Anne Curtis sa bansang France.

Si Isabelle ang nag-post ng picture nila nina Anne at Solenn na magkakasama sa Château de Lourmarin park sa France together with their kids.

French ang ama ng magkapatid na sina Solenn at Erwan Heussaff na mister ni Anne. Doon nag-spend ng Christmas and New Year sina Anne at Erwan with their baby na si Dahlia Ameliè.

Habang si Isabelle naman ay matagal nang naninirahan doon kasama ang kanyang guwapong French hubby na si Adrien Semblat, one of the wealthiest personalities in France, with their three-year-old son na si Balthazar Gabriel.

Bukod sa piktyur nila na magkakasama sa park sa France, ipinost din ni Isabelle ang mga litrato nila nina Anne at Solenn sa isang bar dito sa 'Pinas.

Caption ni Isabelle sa kanyang latest Instagram post, "From dancing on tables in bars at 3 am to park play dates with babies. Photo by @nicobolzico the best hypeman.”

Ilan naman sa mga showbiz friends nila and IG followers ang nag-post ng comment kung saan ang naturang bar na madalas puntahan ng ‘It Girls’ noon.

“Omgggg Fiamma days,” comment ni Raymond Gutierrez.

Reply post ni Isabelle sa comment ni Raymond, “Tonight's gonna be a good nayyyt.”

Comment-post naman ni Bianca Gonzalez, “Omg Fiamma daysss.”

Naku, parang eto ata ‘yung panahon na madalas mag-away sina Anne at boyfriend niya that time na si Sam Milby, hah?

Anyway, nag-post din ng comment ang isa pa sa mga kasama sa ‘It Girls’ na si Bea Soriano Dee.

“Where our friendship was born,” say ni Bea.

May kasunod pang comment si Bea at ini-reveal kung paano niya nakilala si Isabelle.

“Baltie: How did you meet my mommy?

“Me: She was this girl dancing on top of my table and I had no choice but to say hi,” kuwento ni Bea sa kanyang comment-post.

Natawa na lang si Isabelle sa kanyang reply post sa rebelasyon ni Bea.

And now, mga momshies na ang lahat ng ‘It Girls’ including Liz Uy and Georgina Wilson na naka-based na sa Papua New Guinea with her husband na si Arthur Burnand and their two kids, Archie and Alfie.