Intubated, nanghihingi ng dasal… HAJJI, NASA ICU, MAY STAGE 4 COLON CANCER

ni Julie Bonifacio @Winner | Mar. 1, 2025

Photo: Hajji Alejandro - Instagram

Nanawagan ng panalangin ang former schoolmate sa San Beda ni Hajji Alejandro para sa lagay ngayon ng singer sa isang post na ini-repost ng Memories of Old Manila sa kanilang Facebook (FB) account.

Ayon sa post ng may account name na Erwin Sysantos, “Philippines, Prayers Needed to our Fellow Bedan Brother Hajii Alejandro - San Beda Grade School 1967  San Beda HS 1971 Ateneo de Manila University College (Marketing Management).  

San Beda Red Cubs NCAA HS athlete.  

Prayers to our Fellow Bedan Hajji Alejandro who is now at ICU at Medical City Philippines and has Stage 4 colon cancer.  

“Prayers Ascending Hajji’s colon cancer has metastasized to his liver and lungs.  

“He is intubated. Nagkaroon pa ng mga seizures kanina. The family decided not to accept any visitors for now. We have to respect that. More prayers needed for him not to suffer.  

“Kindly pray for the wellness of Mr. Alejandro.”

Bukod dito, may isang concerned friend ang nanghingi rin ng prayers from us after sending a picture na screenshot sa isang reel ng newscaster na si Arnold Clavio. 

Makikita sa picture ang male patient na nakahiga sa hospital bed na intubated.

From another source also, balita namin ay dumating na sa Pilipinas from the US ang eldest daughter ni Hajji na si Rachel Alejandro.

---

Nag-enjoy naman daw…

MARCO, KUMANTA SA KARANASAN SA MGA BADING

BIGLANG nag-iba ang datingan ng former child star na si Marco Masa dahil sa isang eksena na ginawa niya sa pelikulang Outside.

May mga nakiliti at naseksihan kay Marco. Hindi na raw “totoy” ang tingin sa kanya ng iba.

“Well, darating din naman po talaga tayo sa part na tatanda ako. Malilinya na rin ako sa mga ganu’ng bagay. But, hindi naman po magpapaseksi, hindi po ganu’n. Medyo mature role po. Mao-open naman po ‘yung mature roles sa akin. I have to be versatile rin po,” esplika ni Marco.

Marami rin ang naintriga sa pag-amin ni Marco na crush niya si Ysabel Ortega na girlfriend ni Miguel Tanfelix.  

Mas matanda si Ysabel kay Marco. Okey lang daw ‘yun na magkaroon siya ng crush sa mas matanda sa kanya, huwag lang sobrang layo na sa edad niya.  

“Nothing ano naman sa amin ni Ate Ysabel. It’s just paghanga,” depensa ni Marco.

Ano’ng nagustuhan niya kay Ysabel? 

Sey niya, “Well, the way she brings herself po kasi, parang I just like the way…. ‘yung personality n’ya ‘pag nakikita ko s’ya. So, ‘yun. I just admire that.”

Nakausap namin si Marco sa red carpet premiere ng latest film niya na The Caretakers (TC) na pinagbibidahan nina Iza Calzado at Dimples Romana, directed by Shugo Praico, na palabas na sa mga sinehan ngayon. 

Base sa napanood naming mga eksena niya with Iza and Dimples, hindi intimidated si Marco sa dalawang award-winning actresses. Kasi naman, kino-consider na ng ibang showbiz critics si Marco as a veteran actor.

Aniya, “Thank you kung ganoon ang tingin nila sa ‘kin. But ang tagal ko na nga rin talaga sa showbiz if you’re gonna talk about ‘yung length.  

“Ever since bata ako I’ve done commercials, lahat ng TV series, nag-grow na rin ako. Pero I’m still open for learning kasi life is a continuous process naman. But, uh, I can’t really say na veteran na veteran na talaga ako. Hindi pa rin.  

“Marami pa rin talaga akong matututunan and I’m really happy to be working with such great actors and actresses dahil hindi nauubos ‘yung mga bagay na natututunan ko from them, eh. So, sobrang saya ko na nakakasama ko sila sa mga projects ko gaya nina Ate Iza and Ate Dimples.”

Then, someone asked Marco during our interview kung may bad experience na ba siya sa showbiz.

Sagot niya, “Personal experience like sobrang pagod lang kasi nag-aaral din ako at the same time. As I grow up, dumadagdag na rin ‘yung mga responsibilities ko. But, hindi ko ipagpapalit ‘yun sa mga natatamasa ko ngayon. I’m really happy. I’m really grateful.”

Diretsahan naman naming tinanong si Marco kung may nag-take advantage na ba sa kanya sa showbiz. Kung meron na, ano’ng ginawa niya? At kung sakali, ano’ng gagawin niya?

“Wala, wala naman,” sagot ni Marco.

Dagdag niya, “Maingat naman po ako pagdating sa mga ganyan. I mean, I’ve been in the industry for so long so medyo open na rin ‘yung pag-iisip with those kind of things. I’m pretty aware naman po with what I do. I’m in control naman.”

Hindi raw siya natatakot sa mga bading.

“Okey naman ang experience ko sa kanila. Actually, ang saya naman nilang kasama sa set. Pero pagdating sa mga ganoong bagay, I know my place. I know where to stand. Hindi ko tino-tolerate ‘yung mga ganu’ng bagay,” diin pa ni Marco Masa.