Inihatid sa first day, proud mom… ANNE, IPINASOK NA ANG ANAK SA ISKUL

ni Julie Bonifacio - @Winner | August 23, 2022

Proud mama ang It’s Showtime host na si Anne Curtis sa pagpasok ng kanyang unica hija na si Dahlia Amélie sa first day ng school opening kahapon.

Ipinost ni Anne ang picture ni Dahlia, uniform, pink Hello Kitty bag at ang made in Paris na blue shoes na ginamit ng anak sa school.

Caption ni Anne, “My little school girl, all done with her first day & she had so much fun.”

Nag-comment ang mga kaibigan at IG followers ni Anne sa kanyang post.

Gaya ni Donna Cruz, ang It’s Showtime host din na si Amy Perez, si Sam Valenciano (misis ni Paolo Valenciano at pamangkin ni Martin Nievera sa sister niyang si Gina Godinez) at si Danica Pingris.

“Awww, cutie,” say ni Danica.

Pati na ang soon-to-be-mom na rin na si Jessy Mendiola-Manzano ay nakyutan kay Dahlia.

Comment ni Jessy, “Awwww SO CUTE NAMAN DAHLIA!!!”

Nag-post din ng comment ang nag-iisang tiyahin ni Dahlia na si Jasmine Curtis-Smith.

“AWWWWWMGGGGG, wanna love.”

At siyempre, ang equally-proud dad ni Dahlia na si Erwan Heussaff ay nag-comment din but in French language.

“Petite ecoliere,” post ni Erwan na ang ibig sabihin ay ‘little schoolgirl.’

Ni-reply-an ni Anne ang tanong ng kilalang photographer na si Shaira Luna, “Dahliaaaa! School na?! Cutie.”

Sagot ni Anne, “@shairaluna Yeees! More like a pre-school where they all sing, learn and play together! It's so cute to see all the kids together.”

Susme, parang pinagbiyak na ewan, este Erwan, ang mukha ni Dahlia at ng kanyang ama, ha?

Pagkaganda-ganda tiyak ni Dahlia paglaki.

Excited for sure ang marami sa pag-apir ni Dahlia sa It’s Showtime with her mom.

Kailan kaya?