ni Vinia Vivar @Frankly Speaking | May 13, 2024
Pinakilig ng JulieVer (Julie Anne at Rayver) ang kanilang mga fans dahil sa nakaka-touch na birthday message ni Rayver Cruz para sa girlfriend na si Julie Anne San Jose.
May 17 pa ang kaarawan ng Asia’s Limitless Star pero kahapon, May 12, ay nagkaroon na siya ng birthday production sa All-Out Sundays.
Nahingan ng birthday wish si Rayver para sa girlfriend at ramdam na ramdam namin ang pagmamahal ng aktor sa aktres sa kanyang mga sinabi.
“Wish ko lang for you is good health. Alagaan mo 'yung health mo. Ako 'yung nahihirapan 'pag nagkakasakit ka,” sey ng aktor.
Ayon pa kay Rayver ay isang malaking blessing sa kanya si Julie Anne at napakasuwerte raw niya na nagustuhan siya ng girlfriend.
“Sobrang blessed naming lahat to witness an artist like you. For me, ikaw ang pinakamagaling. Ikaw lang ang makakagawa niyan and sobrang suwerte ko na nagustuhan mo,” saad ng aktor.
“Excited na ako na marami pa tayong magawa, nandito lang ako para mahalin ka habambuhay. Happy birthday, my love. I love you,” mensahe pa ng aktor.
Sinagot naman ito ni Julie Anne. Mensahe niya sa boyfriend, “To my love, Ray, I love you so much. You always make me happy everyday and always, so I love you. I am proud of you too.”
Comentários