Inendorso, nag-No. 1 senatoriable… ALEX, MILYONES ANG KINITA KAY LOREN LEGARDA

ni Erlinda Rapadas - @Teka Nga | March 5, 2022

Ratsada na ngayon ang mga artista sa pag-eendorso ng kani-kanilang kandidato sa iba't ibang posisyon.

Hindi naman ito ipinagbabawal ng COMELEC kaya kani-kanyang diskarte ang mga pulitiko upang makakuha ng maraming boto.

Kadalasan ay mga sikat na celebrities ang kinukuha upang magkaroon ng awareness ang publiko sa isang kandidato, tulad ng ginawa ni Loren Legarda na si Alex Gonzaga ang kinuha para i-endorse siya.

Milyun-milyon ang subscribers sa YouTube ni Alex. Tiyak na malaking boto ang ibibigay ng mga ito kay Legarda. Kaya naman sa latest survey ng mga senatoriables ay nag-No. 1 ito.

Curious naman ang mga netizens kung magkano ang talent fee ni Alex Gonzaga sa pag-e-endorse niya kay Loren. Hindi naman siguro TY o gratis lang dahil si Alex ay top product endorser at vlogger. At malaki ang campaign fund na inilalaan ng mga tumatakbong senador ngayon.