Inday Sara, puro kiyeme kung tatakbong pangulo sa 2022

ni Ka Ambo - @Bistado | July 06, 2021

Sa Oktubre pa raw magdedesisyon si Inday Sara kung kakandidato siyang pangulo sa 2022.

Pakiyeme pa!

◘◘◘

UMABOT sa 50 sundalo ang namatay sa pagbagsak ng C-130s Hercules military cargo plane ng Philippine Air Force.

Sila ang “PAF 50”!

◘◘◘

NAG-EMERGENCY landing ang eroplano na sinasakyan ni Sen. Manny Pacquiao patungong U.S. dahil sa medical emergency.

Hindi si Pacquiao ay “may sakit”, kundi ibang pasahero!

◘◘◘

NASA U.S. na si Pacquiao.

Makahihinga na nang maluwag si P-Digong!

◘◘◘

DAPAT ipagbawal ang pagbili ng refurbished o reconditioned aircraft — pang-military man o pang sibilyan.

Korupsiyon din mismo ang ugat niyan!

◘◘◘

NAGPA-OPERA ng bituka si Pope Francis.

Ligtas na siya.

Amen!

◘◘◘

DUMARAMI raw ang mga tinedyer na nabubuntis.

Huh, mas mabahala kayo ‘pag dumami ang mga lola na nabubuntis!

◘◘◘

NAUUSO na naman ang trangkaso, ubo at sipon.

Ililista na naman ‘yan bilang COVID.

Ayayay!

◘◘◘

DIRETSO lang ang pagsasarado ng mga negosyo.

Ngayon lang sila namumulat na wala nang datung ang mga konsiyumer at kliyente!

◘◘◘

SI Gat. Marcelo del Pilar ng Bulacan daw ang tunay na mastermind ng Katipunan.

Ngayon lang ninyo nalaman?

◘◘◘

NATAHIMIK na ang away ng U.S. at China sa West Philippine Sea.

Ayusin natin nang bahagya: Natahimik ang media, hindi ang away!

◘◘◘

HABANG napipilas ang dahon ng kalendaryo, unti-unting numinipis ang poder ni P-Digong.

Hindi na siya makatulog hangga’t hindi malinaw kung sino ang papalit sa kanya!

◘◘◘

AYON mismo sa Bangko Sentral, sa Disyembre, 2022 pa makababalik sa pre-pandemic period.

Imposible.

Excuse, hindi naibabalik ang nakaraan!