Inayawan noon, pero ngayon… KRIS, HULING KA-DATE SA MAKATI SI BATANGAS VG MARK LEVISTE

ni Beth Gelena - @Bulgary Files | February 28, 2021

May nakakitang magka-date raw sina Kris Aquino at Batangas Vice-Governor Mark Leviste sa isang resto sa Makati.

Palaisipan sa mga netizens kung bakit nakipag-date ang Queen of All Media sa pulitikong ito. Matatandaan kasing ni-reject na ng TV host-actress si Leviste last year.

Ang rason ni Krissy noon na isinulat niya sa kanyang socmed stories, “It’s not healthy to entertain someone when you know in your heart that feelings for another haven’t been totally extinguished.”

Dinugtungan pa nga niya ito ng "Lacked a sensitivity chip and wasn’t polite sa text messages."

At ngayon nga ay naispatan si Kris na nakikipag-date raw sa pulitikong kanyang ni-reject noon. Tinawag pa nga raw ni Kris si Leviste bilang 'newest suitor’ niya.

Hindi naman daw solo si Kris nu’ng time na ‘yun with Batangas vice governor. Kasama raw niya ang anak na si Josh at ang isa niyang kaibigan.

Ayon pa sa source, naghintay daw si Leviste sa lobby ng tinitirhan ni Krissy sa may BGC.

“Frequently waits for Kris to go down to the lobby of a serviced residence in BGC, even if sometimes she never meets him.”

Sadyang makulit daw ang VG ng Batangas na makasama man lang sa isang dinner ang Queen of All Media kaya pumayag na rin daw si Kris.

Teka, hindi ba’t may planong lumipat sa isang beachfront house si Krissy due to her health condition? Hindi raw kaya may kinalaman si Leviste sa bagay na ito? 'Di ba't sa Batangas ay napakaraming magagandang beachfront houses?

Tanong nga ng isang netizen, tinulungan ba ni VG Mark si Kris sa paghahanap ng beachfront house na malilipatan?

Anyway, wala namang sinasabi si Kris kung saang parte ng probinsiya siya pansamantalang lilipat.