Inalok daw pumalit na host sa EB! WILLIE, LOYAL KAY VILLAR

ni Erlinda Rapadas @Teka Nga | March 5, 2023

Marami ang labis na manghihinayang kung sakaling matutuloy ang pagbubuwag sa Eat Bulaga!.

Walang nag-akalang magkakaproblema ang longest-running noontime show na mahigit apat na dekada na sa telebisyon.

Kapag tinanggal umano si Tony Tuviera bilang executive producer ay aalis na raw sina Tito Sotto, Vic Sotto at Joey De Leon, pati na rin sina Paolo Ballesteros at Ryan Agoncillo.

Ang nais lang daw ng main producer ng EB! na si Romeo Jalosjos, Jr. na ma-retain sa show ay sina Allan K., Jose Manalo at Wally Bayola.

Ang tanong ay magpapaiwan ba sina Manalo, Bayola at Allan K. kung sakaling magkaroon nga ng revamp?

Usap-usapan din na kinausap na ni Mr. Jalosjos si Willie Revillame upang alukin na maging main host ng EB!.

Kaabang-abang naman kung tatanggapin nga ba ni Kuya Wil ang offer ng EB! produ, lalo na’t alam ng lahat na committed si Revillame sa AllTV ni Senator Manny Villar.