ni Mylene Alfonso | January 29, 2023
Wala umanong pakialam si dating Pangulong Rodrigo ‘Digong’ Duterte kung muling magbubukas ang imbestigasyon sa kanyang war on drugs, kasabay ng paggiit na walang
hurisdiksyon ang International Criminal Court (ICC).
Ayon kay dating Presidential Legal Counsel Salvador Panelo, tinanong niya si Duterte kaugnay sa reaksyon nito sa gitna ng pagsusulong ng imbestigasyon matapos bigyan ng
awtorisasyon ang ICC sa muling pagbubukas ng naturang imbestigasyon.
“Sabi niya, I don’t care what they do. As far as I’m concerned they have no jurisdiction. They have to show me their jurisdiction,” ani Panelo sa naging tugon ni Duterte.
“Sabi niya, if I’m guilty of anything, there would be a Filipino judge hearing my case. If I’m convicted, I will serve my term in a Filipino prison,” wika niya. “Sabi niya, they can do their worst, I don’t care,” ayon pa kay Panelo.