ni Reggee Bonoan - @Sheet Matters! | August 18, 2022
Marami kaming kakilalang bumili sa online sellers sa Facebook ng snacks and cereals na magandang kainin para sa mga nagda-diet at maganda rin ito sa kids na hahaluan ng cream o kaya milk na masarap ding pang-breakfast.
Ito ang nagpaengganyo sa mga kakilala namin dahil healthy at plus factor pa na maraming celebrities ang nag-eendorso na nito at ilan sa mga nakita naming nagbigay din ng testimony ay sina Mariel Rodriguez, Judy Ann Santos at Camille Prats-Yambao.
Kaya pala nu’ng nagpadala kami ng mensahe kay Mariel para mag-inquire ay hindi kami nito sinagot tungkol sa produkto, na inisip naming baka hindi niya nabasa pa dahil sa sobrang busy, 'yun pala ay isa itong malaking scam, na nabasa namin sa IG post ni Camille na kasama pa ang larawan nilang pamilya na kumakain ng nasabing produkto.
Kaagad nang binalaan ni Camille ang publiko tungkol dito.
“PLEASE READ!!! I have been getting a lot of messages about this photo of our family endorsing some snacks and cereals.
“Guys, THIS IS A SCAM, we are not endorsing such products. Our collabs with brands are ONLY posted on my official social media platforms and nowhere else. These posts have been reported but they keep creating new one’s swipe left to see a message of my friend's who purchased expired products. Please report if you come across it.
“Always check if the account is verified before clicking/purchasing. Let's all be vigilant in posts like these. Madami nang magaling mag-edit at mambudol.”
Dami talagang budol ngayon sa FB online.
Naalala namin, ganito rin ang nangyari sa kilalang vlogger na si Kate Adajar ng Random Republika na tumangkilik naman daw sa isang beauty product at ipinost pa ang larawan niya kaya kaagad namin siyang tinanong tungkol dito at nagulat siya dahil ninakaw daw 'yun sa IG post niya at ginamit sa ibang paraan.