IG, 'di totoong na-hack… LIZA, NAGPAPANSIN LANG PARA PAG-USAPAN

ni Nitz Miralles @Bida | February 25, 2023

Kinumpirma ni Boy Abunda sa Thursday episode ng Fast Talk with Boy Abunda na hindi na-hacked ang Instagram account ni Liza Soberano.

Sabi ni Boy, “I will confirm, hindi po na-hacked ang social media pages ni Liza. Let me speak as a manager, not as a host, I would guess that Liza is taking on a different direction sa kanyang karera.”

Kasunod nito, pinuri ni Boy ang mastermind sa likod ng social media rebranding. Pinag-usapan naman talaga ang pagka-delete ng post ni Liza at nang magbalik, isang picture na lang ang naka-post.

“This is a rebrand, but nais kong purihin kung sinuman ang may kagagawan nito, because it is brave, exciting for Liza, who happens to be one of the most beautiful girls in the world,” sabi ni Boy,

“It’s not hacking. It is rebranding,” dagdag ni Boy.

So, walang rason ang galit ng dad ni Liza sa paniniwalang na-hacked nga ang Instagram ng aktres.

Sinabi pa nga nito na “Whoever did that shit.. Congrats... make sure you don’t get caught...”