Idinidiin sa land grabbing… RESBAK NI BEA: LAWYER KO NA ANG BAHALA SA INYO!

ni Nitz Miralles @Bida | January 22, 2023

Kinumusta namin si Bea Alonzo sa manager nitong si Shirley Kuan. Ano ang reaction ni Bea sa akusasyon sa kanya ng ilang netizens sa land grabbing?

Sagot daw ng aktres, ang lawyer na niyang si Atty. Joey Garcia ang bahala.

As of today, wala pa ring retraction, pero may paglilinaw si @aloveyoutoo sa kanyang tweet.

Sabi nito, “To clarify, my point is it is strange that celebrities can have a farm when IP groups like the Aeta struggle so much to own land that they are often forced off of, and not that Bea Alonzo is a land grabber. Apologies if that was not clear.”

Nakalagay sa time ng tweet ay 11:28 PM noong January 19, 2023. Ibig sabihin, bago niya dinelete ang kanyang tweet. At ang latest, hindi na mahanap ang Twitter account niya.

Tanong ng mga fans ni Bea, hihingan din ba ng lawyer ni Bea ng sorry ang isa pang netizen na may shade rin ang tweet?

Sabi nito, “A celebrity exploiting indigenous people, in the land they rightfully own, is a new saddening but not surprising genre of content for their YT channel.”

Hindi pa ito nakakarating sa kampo ni Bea, kaya hindi pa natin alam kung ano ang magiging move nila. Hinihintay pa yata nila ang retraction ng una.