Idinemanda dahil sa EB!, GMA-7 dawit din… RESBAK NG TAPE SA TVJ: 'DI N'YO KAMI PUWEDENG KASUHAN!

ni Beth Gelena @Bulgary Files | July 14, 2023

Sinagot na ng TAPE, Inc. ang reklamong inihain nina Tito Sotto, Vic Sotto at Joey de Leon laban sa kumpanya.

Ayon sa report ng 24-Oras noong Miyerkules (July 12), nagsampa na ang tatlong veteran hosts ng copyright infringement and unfair competition complaint laban sa TAPE, Inc. sa Marikina Regional Trial Court.

Ang sagot naman ng legal counsel ng TAPE na si Atty. Maggie Garduque sa inihaing reklamo ng TVJ, “It is not a copyright infringement. Eat… Bulaga! name, the design of the name and the logo is a trademark and not subject of copyright.”

Aniya pa, ang TAPE, Inc. daw ang may hawak ng registration ng trade name na Eat... Bulaga!, kaya hindi raw sila maaaring sampahan ng reklamong "infringement" dahil sila ang may-ari ng trademark.

Nakabinbin pa rin daw ang petition ng iconic trio para sa pagkansela ng trademark ng Eat… Bulaga!.

Dawit din sa complaint ng TVJ ang GMA Network, kaya't ire-refer daw nila ang nasabing reklamo sa kanilang legal counsel.