IBINULGAR NG EX-BFF: MOIRA, MAY GHOST WRITER SA MGA KANTA

ni Reggee Bonoan @Sheet Matters | May 30, 2023

“When someone is getting sued, it doesn’t automatically they’re wrong. When someone is getting sued, it doesn’t automatically they’re getting locked up. Anyone can sue. And I am not someone you can intimidate by legal actions. I am willing to face the music,” ito ang sagot ng songwriter at dating kaibigan ni Moira dela Torre na si Lolito Go nang malaman niyang idedemanda siya ng singer.

Nag-ugat ito nang mag-post si Lolito tungkol kay Moira nitong Linggo na may ghost writer daw ang singer sa mga hit songs niya. Kinuha raw ang serbisyo niya pero hindi nabigyan ng tamang kredito at inalok daw siyang magsulat ng kanta sa halagang P20,000.

Binanggit din nito ang dahilan kung bakit hiniwalayan ni Moira ang asawang si Jason Marvin Hernandez, at ito nga'y dahil sa pagpatol sa isang masahista, na inamin din naman ng huli.

Ayon kay Lolito, nag-post siya ng mga sentimyento para ipagtanggol si Jason sa mga bashers dahil ito ang pinuputakti ng lahat kaya sila naghiwalay ni Moira, bukod pa sa maraming nabanggit na personal tungkol sa singer-songwriter.

Sabi nga ni Lolito, “Masyadong sheepish ang mga kaibigan at kamag-anak ni Jason para ipagtanggol ang sarili nila. I took the initiative na kasi ganito ako noon pa man. I can't keep mum when injustice presents itself.”

Naikuwento rin ng songwriter na nagkakilala sila ni Moira noong Himig Handog 2017 kung saan naipanalo ni Moira ang awiting Titibo-Tibo na ang sumulat ay ang asawa nitong si Libertine Amistoso.

Sinagot naman isa-isa ni Jeff Vadillo (vice-president ng Cornerstone Entertainment) ang mga paratang ni Lolito at itinanggi ang lahat ng post nito.

Dalawang dekada nang kaibigan at talent ng kanilang management si Moira at saksi sila kung paano binuo nito ang pangalan niya at imahe.

Ang legal counsel ng Cornerstone Entertainment na si Atty. Joji Alonso ay nag-post na rin sa kanyang Facebook page nitong Linggo nang gabi.

Aniya, “I have been advising a celebrity client not to pursue legal action against her estranged husband, despite strong grounds against him, and instead focus on the more important issue - where a Petition is set to be filed.

“Then today, someone writes a story filled with lies and decides to make it a “pinned post”, with no intention other than discrediting and maligning said client. No matter how much I believe in forging peaceful co-existence, this is not one we will let pass. This someone must be sued and take accountability.”

Ini-repost ito ni Jeff sa kanyang FB page, “Lahat naman sa industry na ‘to, may business interest, given na ‘yan. But this is more than just business. It's about protecting a woman (my sister in heart) whose professional integrity - which she built through years and years of hard work and talent is questioned and maligned through sheer word play.

“This message repost hopefully would be my last statement regarding this matter. Thanks Atty. Joji Villanueva Alonso.”

At ang palabang sagot nga ni Lolito Go ay handa siyang harapin ang isasampang demanda sa kanya ng kampo ni Moira.