Ibinuking ni Vilma… LUIS, 'DI NA MAKAPAGTRABAHO DAHIL KAY BABY PEANUT

ni Beth Gelena @Bulgary Files | January 31, 2023

Nagkuwento diumano ang Star for All Seasons na si Vilma Santos-Recto sa programa ni Cristy Fermin na Cristy Ferminute tungkol sa apo niyang si Baby Peanut.

Ayon kay Ate Vi, binisita niya ang anak na si Luis Manzano, misis nitong si Jessy Mendiola at ang kanilang baby girl na si Baby Peanut.

Description ni Ate Vi, napaka-adorable ng kanyang apo.

Ayon pa rin daw sa Star for All Seasons, napaka-hands on ng mag-asawa sa pag-aalaga kay Baby Peanut.

Kuwento ng batikang manunulat-TV host, “Kaya alam mo, ang kanyang Momsie, ang ating Star for All Seasons, hay, naku! Talagang galing siya noong isang araw sa bahay nina Luis at Jessy.

"Alam mo ba ang sabi, 'Naku, Ate Cristy, ang lakas lumaki, ang pula-pula, ang ganda-ganda.

'Pag ako pinayagan ng mga magulang niya, araw-araw, magpo-post ako ng bago niyang picture,'" ang sabi raw ni Ate Vi sa kanya.

"Pagkaganda-gandang bata, sobra! Kaya naman ang Ate Vi, grabe. Sabi nga niya, 'Alam mo, 'yung anak ko, Ate Cristy, hindi na nakakapagtrabaho, laging karga 'yung anak niya. Tapos si Jessy naman, siya ang nagpapaligo, napaka-hands-on, siya lahat, nagbibihis, lahat-lahat.

Siya talaga, silang dalawa ang umaasikaso sa anak nila.'"

First-time parents sina Luis at Jessy kaya hindi mo sila masisisi kung bakit ganu'n sila ka-excited alagaan ang kanilang anak.