Ibinuking ni Dina, pinangalanan ng netizens… MIKA, NANALO RAW SA PBB DAHIL SA P1M VOTES NG SPONSOR

ni Julie Bonifacio @Winner | April 12, 2026

Photo: Mika Salamanca - Instagram

Pasabog ang tsika ni Dina Bonnevie sa kanyang interbyu sa dalawang ex-housemates ng Pinoy Big Brother (PBB) na sina JM Ibarra at Fyang Smith.

Shocked sina JM at Fyang sa big reveal ni Dina tungkol sa isang PBB winner na kaya raw nanalo ay dahil may nag-sponsor ng P1 million votes.

Tinanong kasi ng aktres ang dalawa kung wala silang sponsor na gaya raw ng ibang nanalo sa PBB. 

Nagulat naman ang anak ni Dina na si Danica Sotto na katabi niya that time.

“May ganu’n ba? Saan mo nabasa?” paninita ni Danica sa ina.

Ipinagdiinan ni Dina na alam niya na merong nag-sponsor ng P1M votes doon sa PBB winner.

“Basta ang alam ko, merong nanalo. Sinabi naman, eh, na nag-donate s’ya ng P1M,” diin ni Dina.

Sabi ni Fyang, “Talaga? Wala, Ma.”

Paninita ni Dina, “Ako lang ba taga-showbiz dito? Ba’t ‘di n’yo alam ‘yan?”

Todo-react ang mga netizens sa big reveal ni Dina. At gaya ni Dina, alam na alam ng mga netizens ang tinutukoy ng aktres.

Sey ng mga Marites…

“It’s Mika Salamanca, from Dogie. And I think naman valid ‘yun since gusto nila support si Mika. PBB is all about voting din naman.

“Fyang and Mika. But from what I see, there’s nothing wrong with that. Mika is super close with Dogie, Zeinab and other influencers who supported Mika, there’s nothing wrong with that. That just means Mika became a good friend, that’s why her big-shot friends supported her.”

“Ano’ng juicy du’n? Eh, the public knows it’s Mika. Ba’t ginagawang issue ‘to? LOL (laugh out loud).”

‘Yun na!

---

Pinoy pride raw…

KIM, PROUD NA PROUD SA BINI NA NAG-PERFORM SA COACHELLA

Binati ni Kim Chiu ang BINI sa matagumpay na performance nila sa Coachella kahapon.

Hindi naitago ni Kim ang pagiging proud bilang Pilipino para sa BINI, kaya nag-post siya ng kanyang reaksiyon sa X (dating Twitter).

Say ni Kimmy, “HUGE, HUGE, HUGE Congratulations @BINI_ph for someone na nanood ng Coachella on YouTube (YT)! Iba pala ‘pag Filipino songs napapanood at napapakinggan!! #representation at its finest!!! Congratulations to everyone behind BINI and of course #BINI galing!!! (Philippine flag).”

Natuwa ang mga fans ng BINI sa pagbati ni Kim.

Sey nila… “Thank you, Kimmy! Dahil d’yan ... Oh kalami (masarap), oh kalami.”

“Thank you so much, idol Kim Chiu BINI P-POP PRIDE!”

“Thank you po, Ms. Kim. Kayo ang icing sa aming ‘cherry on top’.”

“Our very own BiniKimmy.”

Totoo namang Pinoy pride ang inihatid na performance ng BINI sa Coachella.

Gumawa sila ng kasaysayan with their Coachella debut noong Sabado, April 11 (Philippine time), bilang kauna-unahang Filipino act na nakapag-perform sa sikat na music festival.

Ang nation’s girl group ay nag-perform sa entablado ng Mojave suot ang kanilang outfit na ipinares sa gintong salakot bago ipinakita ang kanilang makintab na mga piraso ng beaded sa asul, berde, at ginto.

Kinanta ng BINI ang kanilang dating hits at bagong mga kanta sa Mojave stage, starting their set with Shagidi, followed by other crowd favorites gaya ng Zero Pressure, Karera, Cherry on Top, Salamin, Salamin, Blink Twice, and Bikini.

Ipinerform din ng BINI ang kanilang bagong labas na kanta titled Blush live for the first time.

And for their last song, tinapos nila ang kanilang performance sa awitin nila na pinamagatang Pantropiko.

Naka-schedule ang P-pop act to return to the Coachella stage on April 17.