Humarap sa impeachment trial... Baste sa business ni Sara: Wala akong alam

ni Mylene Alfonso @News | September 30, 2026

Photo: Dumating sa Senado nitong Martes, Setyembre 29, si Davao City Mayor Sebastian “Baste” Duterte matapos siyang patawan ng subpoena upang humarap sa impeachment court sa paglilitis sa kanyang kapatid na si Vice President Sara Duterte. (Mylene Alfonso)

Nilinaw ni Davao City Mayor Sebastian “Baste” Duterte sa Senate impeachment court na wala siyang alam sa idineklarang business interest ni Vice President Sara Duterte sa GenCorp Industries Inc.

Sinabi ni Baste na una lamang niyang narinig ang GenCorp nang mabanggit ito sa impeachment proceedings. 

Nang tanungin kung alam niyang idineklara ni VP Sara ang kumpanya sa kanyang 2024 at 2025 SALN, sagot niya: “No.”

“We simply do not discuss these. It's her privacy. It's not my responsibility to know this,” paliwanag niya.

Ayon kay Baste, 19 na kontrata ang nakuha ng GenCorp mula sa Davao City government at dumaan ang mga ito sa procurement process. 

Sinabi rin niyang Bids and Awards Committee (BAC), at hindi siya, ang nagsuri sa mga transaksyon ng kumpanya.