Horoscope | Setyembre 22, 2025 (Lunes)

ni Maestro Honorio Ong @Horoscope | September 22, 2025

Sa may kaarawan ngayong Setyembre 22, 2025 (Lunes): Kakambal mo ang mga suwerte. Kaya ang iba sa mga ito ay hindi sinasadyang naipamigay mo sa mga kasama mo. Gayunpaman, ang natira ay gamitin mo para sa ikauunlad mismo ng buhay mo.

ARIES (Mar. 21-Apr. 19) - Muli, magdahan-dahan ka. Hindi lahat ay nakukuha sa patsamba-tsamba. Sa pagiging marahan, nakikita ang mga posibleng balakid at hadlang na nakasasagabal sa iyong dinaraanan. Masuwerteng kulay-burgundy. Tips sa lotto-3-18-20-26-38-40.

TAURUS (Apr. 20-May 20) - Ito ang araw na bigla-bigla kang pagkakalooban ng suwerte at magandang kapalaran. Huwag kang mag-alinlangan at magdalawang-isip, bagkus hablutin mo agad ang magandang kapalarang darating upang hindi na mapunta sa iba. Masuwerteng kulay-white. Tips sa lotto-6-13-29-31-37-42.

GEMINI (May 21-June 20) - Nagsisimula nang magpakita ang mga nagagandahang bituin sa langit ngayong tag-araw. Dahil dito, ang personalidad mo ay may gaganda rin tulad ng mga bituin. Masuwerteng kulay-green. Tips sa lotto-5-11-28-30-36-41.

CANCER (June 21-July 22) - Taas-baba ang mga alon sa dagat. Sa huli, masusumpungan mo ang dagat at ikaw ay punumpuno ng kayamanan at kasaganaan. Masuwerteng kulay-yellow. Tips sa lotto-2-16-18-25-39-42.

LEO (July 23-Aug. 22) - Sisilip sa iyo ang mga suwerte, at kapag nakitang kapos ka sa magagandang kapalaran, ang suwerteng sumisilip ay tuluyan nang papasok sa buhay mo. Masuwerteng kulay-purple. Tips sa lotto-4-13-17-26-35-44.

VIRGO (Aug. 23-Sept. 22) - Itaya mo ngayon ang kapalaran upang manalo ka. Ang umaatras sa laban ay mga talunan. Hindi ka talunan at ikaw ay kabilang sa mga mananalo. Masuwerteng kulay-pink. Tips sa lotto-6-9-15-24-35-41.

LIBRA (Sept. 23-Oct. 22) - Sala sa init, sala sa lamig – sino kaya siya? Sino pa nga ba, kundi ikaw! Sa mga araw na ito, pabagu-bago ka ng gusto at naiiba ang iyong timpla at pananaw sa bawat minuto. Masuwerteng kulay-beige. Tips sa lotto-1-14-22-27-30-34.

SCORPIO (Oct. 23-Nov. 21) - Nagbabanggaan ang dalawang nasa iisang linya na magkasalungat. Kaya hindi nakapagtataka kung bakit nakakabanggaan mo ang mga malapit sa puso mo na sumasalungat sa iyong mga kagustuhan. Masuwerteng kulay-blue. Tips sa lotto-2-7-10-21-37-43.

SAGITTARIUS (Nov. 22-Dec. 21) - Langit ang gagawa ng paraan sa mga bagay na hindi mo kayang gawin. Masuwerteng kulay-black. Tips sa lotto-3-12-19-28-30-42.

CAPRICORN (Dec. 22-Jan. 19) - Iyo ang araw na ito, pero sa una, aakalain mong talo ka ng iyong mga karibal. Ngunit sa huli, kusa silang susuko sa iyo. Masuwerteng kulay-violet. Tips sa lotto-4-18-20-24-31-33.

AQUARIUS (Jan. 20-Feb. 18) - Suwerte ka ngayon. Sino naman kaya ang malas? Walang iba kundi ang mga kontrabida sa buhay mo. Masuwerteng kulay-peach. Tips sa lotto-6-16-26-38-40-45.

PISCES (Feb. 19-Mar. 20) - Tulad ng mga mabilis na kabayo, ang malalaking suwerte ay magmamadali ring pumasok sa kapalaran mo. Masuwerteng kulay-red. Tips sa lotto-5-13-19-25-39-42.