Horoscope | Setyembre 14, 2025 (Linggo)

ni Maestro Honorio Ong @Horoscope | September 14, 2025

Sa may kaarawan ngayong Setyembre 14, 2025 (Linggo): May kani-kanyang galing at husay ang bawat tao. Ayon sa araw ng iyong pagsilang, ang galing at husay mo ang tiyak na magdadala sa iyo ng tagumpay.

ARIES (Mar. 21-Apr. 19) - Bibilis ang kilos at pagpapasya mo ngayon, dahil sapat na ang mga impormasyong alam mo para simulan ang iyong proyekto. Masuwerteng kulay-purple. Tips sa lotto-9-21-24-29-33-45.

TAURUS (Apr. 20-May 20) - Asikasuhin mo kung paano ka kikita dahil masuwerte ang araw na ito para umangat ang iyong kabuhayan. Masuwerteng kulay-pink. Tips sa lotto-3-20-28-31-39-41.

GEMINI (May 21-June 20) - Iyung-iyo ang araw na ito. Kaya makipagsapalaran ka para manalo ka. Masuwerteng kulay-beige. Tips sa lotto-5-26-29-32-38-42.

CANCER (June 21-July 22) - Hawakan mo ang sarili mo, dahil malaki ang posibilidad na ang mabilisang pakikipagrelasyon ay puwedeng-puwede mangyari sa buhay mo. Ito ang payo para sa iyo. Masuwerteng kulay-blue. Tips sa lotto-9-14-20-25-34-40.

LEO (July 23-Aug. 22) - Nabubuhay ang tao sa bawat segundo para sa kanyang kinabukasan. Isabuhay mo ang katotohanang ito nang ganun ay hindi ka mapag-iwanan ng mga taong nasa paligid mo. Masuwerteng kulay-black. Tips sa lotto-4-16-27-34-36-44.

VIRGO (Aug. 23-Sept. 22) - Gamitin mo ang galing mo sa pagtutuos. Sa ganitong paraan, hindi ka malulugi. At ang isa pang dapat mong iwasan at tandaan ay kaya lang naman bumabagal ang negosyo, kapag ang may-ari ay sobrang kumpiyansa sa sarili. Masuwerteng kulay-violet. Tips sa lotto-1-10-22-24-35-42.

LIBRA (Sept. 23-Oct. 22) - Tuluy-tuloy lang at ‘wag mong pansinin ang mga sagabal at hadlang sa landas ng buhay na iyong nilalakaran. Masuwerteng kulay-peach. Tips sa lotto-7-15-26-29-37-41.

SCORPIO (Oct. 23-Nov. 21) - Talas ng pakiramdam ang panlaban sa mga may masamang motibo, kaya habang nakikipag-usap ka, talasan mo ang pakiramdam mo. Masuwerteng kulay-red. Tips sa lotto-6-20-23-35-38-40.

SAGITTARIUS (Nov. 22-Dec. 21) - Magtabi ka sa kinita mo sa ngayon. ‘Wag na ‘wag kang tumulad sa iba na uubusin lahat dahil sa may kikitain pa naman sa ibang araw. Mas aangat ang buhay mo kapag nagtatabi ka sa bawat kinikita mo sa araw-araw. Masuwerteng kulay-burgundy. Tips sa lotto-9-19-21-30-37-41.

CAPRICORN (Dec. 22-Jan. 19) - Bantayan mo ang sarili mo, dahil may babala na kapag naawa ka nang sobra, mauubos ka. Masuwerteng kulay-white. Tips sa lotto-4-22-28-31-35-44.

AQUARIUS (Jan. 20-Feb. 18) - Makikitang sobrang bilis mo. Magkagayunpaman, wala dapat na ipag-alala dahil madali lang din naman sa iyo ang umatras. Masuwerteng kulay-green. Tips sa lotto-8-12-17-27-34-42.

PISCES (Feb. 19-Mar. 20) - Hindi lang saya at ligaya ang dala mo, dahil maging ang magnet na humihigop ng lahat ng uri ng suwerte at magandang kapalaran ay nasa iyo rin. Masuwerteng kulay-yellow. Tips sa lotto-1-7-29-37-41-45.