Horoscope | Pebrero 20, 2026 (Biyernes)

ni Maestro Honorio Ong @Horoscope | February 20, 2026

Sa may kaarawan ngayong Pebrero 20, 2026 (Biyernes): Nagbubunga ng magagandang kapalaran ang kabaitan ng isang tao. Tulad mo mismo, kapansin-pansin na ang mga suwerte ay laging nag-aabang sa daan ng buhay na iyong nilalakaran.

ARIES (Mar. 21-Apr. 19) - Bumaba ka man, itataas ka pa rin. Ito ang pangako ng langit para sa iyo. Masuwerteng kulay-red. Tips sa lotto-4-11-19-30-33-42.

TAURUS (Apr. 20-May 20) - Huwag kang magpaliwanag sa mga kaibigan mo, dahil ang tunay na kaibigan ay lagi kang nauunawaan. Hindi mo rin obligasyon na magpaliwanag sa ibang tao. Ito ang payo para sa iyo. Masuwerteng kulay-blue. Tips sa lotto-2-13-22-31-38-43.

GEMINI (May 21-June 20) - Piliin mo ang mas bata. Ganu’n din sa kapalaran, sariwa at bago ang mga pagkakataong ihaharap sa iyo ng langit upang mas mapabilis pa ang iyong pag-asenso. Masuwerteng kulay-silver. Tips sa lotto-5-16-21-25-32-45.

CANCER (June 21-July 22) - Kung ano ka, iyon ang iyong ipakita. Sa ganitong paraan, malalaman mong ikaw ay tanggap ng isang interesado na makasama ka. Huwag kang tumulad sa iba na mapagkunwari at ayaw ipakita ang tunay na sarili. Masuwerteng kulay-green. Tips sa lotto-1-14-20-29-37-41.

LEO (July 23-Aug. 22) - Mahina ka ngayon dahil tatalunin ka ng iyong damdamin. Sa una, magiging mahigpit ang pagsupil sa damdamin, pero ito ang mananaig. Masuwerteng kulay-yellow. Tips sa lotto-8-10-15-21-30-34.

VIRGO (Aug. 23-Sept. 22) - Kung ano ang tama, iyon ang ipaglaban mo. Ito ang lihim na utos sa iyo ng langit, na may kalakip na pangako na ang magagandang kapalaran ay mapapasaiyo bilang iyong regalo. Masuwerteng kulay-white. Tips sa lotto-9-11-17-24-33-42.

LIBRA (Sept. 23-Oct. 22) - May katapusan ang lahat ng bagay sa mundo, kaya lang ang pagmamahalang natapos na ay mahimalang bubuhaying muli. Ito ang katotohanang magpapagulo sa isipan mo ngayon. Masuwerteng kulay-violet. Tips sa lotto-6-13-20-26-38-44.

SCORPIO (Oct. 23-Nov. 21) - Malulunod ka sa saya’t ligaya. Minsan, ang sobrang saya ay napapalayo sa reyalidad. Ito ang dapat mong iwasan. Masuwerteng kulay-maroon. Tips sa lotto-3-18-25-34-39-41.

SAGITTARIUS (Nov. 22-Dec. 21) - Hadlang ang problemang nasa iyong harapan, kung saan ay mas malakas ang hatak ng iyong emosyon. Gayunman, ituloy mo muna ang iyong pangarap. Masuwerteng kulay-lilac. Tips sa lotto-7-13-22-23-36-43.

CAPRICORN (Dec. 22-Jan. 19) - Naghihiganti ang mahihina, habang ang malakas naman ay nagpaparaya. Piliin mo ang huli dahil ang regalo ng langit sa sinumang nagpaparaya ay malalaking biyaya at pagpapala. Masuwerteng kulay-black. Tips sa lotto-1-16-28-35-37-40.

AQUARIUS (Jan. 20-Feb. 18) - Tumakas ka sa problema. Hindi masamang takasan ang nagpapahirap sa damdamin at sa kalooban. Ang masama ay ang manatili ka sa maling kalagayan. Masuwerteng kulay-orange. Tips sa lotto-4-17-21-30-36-42.

PISCES (Feb. 19-Mar. 20) - Pagbigyan mo ang nakikiusap, dahil minsan din naman bilang tao ay nakiusap ka sa kapwa mo. Ang pahabol na payo ay nagsasabing kapag nagbibigay ka sa nakikiusap sa iyo, ang langit mismo ang gaganti sa iyo. Maraming suwerte at magagandang kapalaran ang ibubuhos sa iyo ng langit. Masuwerteng kulay-purple. Tips sa lotto-2-12-15-27-37-45.