Horoscope | Oktubre 24, 2025 (Biyernes)

ni Maestro Honorio Ong @Horoscope | October 24, 2025

Sa may kaarawan ngayong Oktubre 24, 2025 (Biyernes): Kikilos ang kapalaran mo hanggang sa tuluyang gumanda ang buhay mo. Sa katunayan, kahit magkamali ka ng paulit-paulit, kikilos pa rin ang langit upang pagandahin ang kapalaran mo.

ARIES (Mar. 21-Apr. 19) - Bubukas ang puso mo para sa bagong pag-ibig. Pero hindi ibig sabihin nu’n ay dapat ka nang magmahal. Hindi porke nakabukas ang puso mo, papasukin mo na agad ang maling pakikipagrelasyon. Masuwerteng kulay-beige. Tips sa lotto-5-19-22-27-30-43.

TAURUS (Apr. 20-May 20) - Iyo ang araw na ito. Sinumang magtangka na gawan ka ng masama ay mapapahamak, dahil langit mismo ang kikilos para ipagtanggol ka. Masuwerteng kulay-blue. Tips sa lotto-6-12-18-23-35-40.

GEMINI (May 21-June 20) - Oo, talagang napapakinabangan mo ang bilis mo ngayon, pero pag-isipan mo munang mabuti ang gagawin mong desisyon pagdating sa larangan ng pakikipagrelasyon. Masuwerteng kulay-black. Tips sa lotto-3-11-16-21-25-39.

CANCER (June 21-July 22) - Araw mo ngayon! Ibig sabihin, anuman ang balakin at planuhin mo, tiyak na matutupad at magkakatotoo. Masuwerteng kulay-violet. Tips sa lotto-2-13-19-30-32-45.

LEO (July 23-Aug. 22) - Kumapit ka sa mga lumang aral na mula sa matatanda. Totoong hindi na mga napapanahon ang kanilang mga paniniwala, pero sila talaga ang pinakatama sa lahat. Masuwerteng kulay-peach. Tips sa lotto-5-17-28-33-36-41.

VIRGO (Aug. 23-Sept. 22) - Hindi mo puwedeng sundin ngayon ang sinasabi ng isip mo. Ito ang babala ng iyong kapalaran. Masuwerteng kulay-red. Tips sa lotto-7-14-20-24-27-35.

LIBRA (Sept. 23-Oct. 22) - Ito ang araw na muling ibabalik sa iyo ng langit ang mga pagkakataon para gumanda ang kapalaran mo. Masuwerteng kulay-lilac. Tips sa lotto-4-18-29-35-38-40.

SCORPIO (Oct. 23-Nov. 21) - Bakit mo pa papansinin ang opinyon ng iba, gayung hindi naman sila mahalaga? Kung ako sa iyo, hayaan mo na sila, at ‘wag kang magpapaapekto sa kanila. Masuwerteng kulay-white. Tips sa lotto-6-8-21-29-31-44.

SAGITTARIUS (Nov. 22-Dec. 21) - Kung ano ka ngayon, iyon ang iyong ipakita. Huwag kang tumulad sa mga mahiyain na pilit na ikinukubli kahit ang magagandang katangian nila. Ito ang susi mo sa isang matagumpay na buhay. Masuwerteng kulay-green. Tips sa lotto-2-11-20-28-33-41.

CAPRICORN (Dec. 22-Jan. 19) - Kabilang ka sa makikinabang sa mga biyaya at pagpapala na ihuhulog ng langit sa mismong araw na ito. Ang anumang masasahod o mapupulot mo na hindi mo kailangan, ibigay mo sa mga kapuspalad. Masuwerteng kulay-yellow. Tips sa lotto-1-10-14-22-30-44.

AQUARIUS (Jan. 20-Feb. 18) - Masyadong magulo kapag madami kang mahal. Kaya piliin mo lang ang kaugali mo, dahil tiyak na siya ang magpapaligaya sa iyo. Masuwerteng kulay-purple. Tips sa lotto-8-24-26-31-37-42.

PISCES (Feb. 19-Mar. 20) - Dapat masaya kayo ngayon para ang mga suwerte ay magsilapit sa iyo. Masuwerteng kulay-pink. Tips sa lotto-16-21-29-32-36-41.