Horoscope | Nobyembre 12, 2025 (Miyerkules)

ni Maestro Honorio Ong @Horoscope | November 12, 2025

Sa may kaarawan ngayong Nobyembre 12, 2025 (Miyerkules): Mapapasunod mo ngayon ang mga taong nasa paligid mo. Noon pa man, taglay mo na ang kakayahang utusan ang iyong kapwa.

ARIES (Mar. 21-Apr. 19) - Manguna ka! Pangunahan mo ang pagbabago. Ngayon ang tamang panahon para ang mga makalumang kaugalian ay isantabi, itago, at huwag nang gamitin pa. Masuwerteng kulay-black. Tips sa lotto-9-10-13-29-33-42.

TAURUS (Apr. 20-May 20) - Magdagdag ka pa! Huwag kang makuntento sa kung ano ang meron ka ngayon. Walang sinuman ang may hawak sa hinaharap, kaya mas magandang magsumikap ka. Masuwerteng kulay-violet. Tips sa lotto-8-12-24-31-39-45.

GEMINI (May 21-June 20) - Aangat pa ang antas ng iyong kabuhayan. Pero wala ka nang dapat ipag-alala, dahil mas lamang ang pag-angat mo. Masuwerteng kulay-peach. Tips sa lotto-5-15-17-27-34-36.

CANCER (June 21-July 22) - Yakapin mo ang magagandang aral na natutunan mo mula sa iyong mga kabiguan. Ito ang magsisilbing susi upang hindi na maulit pa ang masaklap mong karanasan. Masuwerteng kulay-red. Tips sa lotto-7-14-22-28-35-41.

LEO (July 23-Aug. 22) - Kung ano ang wala ka, iyon ang hanapin mo. Muli, hanapin mo ang katangiang kulang sa iyo at idagdag mo sa iyong pagkatao. Sa ganyang paraan, magsisimula kang suwertehin at paburan ng langit. Masuwerteng kulay-yellow. Tips sa lotto-4-18-20-29-32-38.

VIRGO (Aug. 23-Sept. 22) - Huwag kang magdalawang-isip, dahil ang pagdadalawang-isip ay sagabal sa mabilis na pag-asenso. Madalas, ito rin ay nagreresulta sa panghihinayang. Masuwerteng kulay-white. Tips sa lotto-1-19-21-23-30-43.

LIBRA (Sept. 23-Oct. 22) - Mas pipiliin mo ngayon ang mga magaganda. Walang masama sa ganito dahil bakit nga ba pipiliin ang hindi naman kaaya-aya sa paningin? Masuwerteng kulay-green. Tips sa lotto-6-17-22-33-38-45.

SCORPIO (Oct. 23-Nov. 21) - Dapat makapagpigil ang malakas. Malakas ka ngayon, kaya dapat mo ring makontrol ang galit mo. Masuwerteng kulay-yellow. Tips sa lotto-7-14-18-26-34-42.

SAGITTARIUS (Nov. 22-Dec. 21) - Iyung-iyo ang araw na ito, at ang maganda pa nito, para pa rin sa iyo ang mga araw na darating. Ngayon mo na simulan ang mga proyektong hindi mo itinuloy dahil sa pinanghinaan ka ng loob. Masuwerteng kulay-purple. Tips sa lotto-1-13-23-34-39-45.

CAPRICORN (Dec. 22-Jan. 19) - Patatatagin ng langit ang kabuhayan mo. Kaya lang, baka hindi mo agad ito maunawaan dahil ang paraan ng langit minsan ay hindi kaya ng isip ng tao. Masuwerteng kulay-pink. Tips sa lotto-4-16-20-29-31-44.

AQUARIUS (Jan. 20-Feb. 18) - Hindi ka dapat magmadali sa lahat ng bagay. Kung babalikan mo ang nakaraan, madalas na dahilan ng iyong kabiguan ay ang padalus-dalos mo. Masuwerteng kulay-beige. Tips sa lotto-2-18-21-25-28-38.

PISCES (Feb. 19-Mar. 20) - Pabagu-bago ang lagay ng panahon, at ikaw rin ngayon ay magpapabagu-bago ng isip. Pero ang masayang balita ay nagsasabing sa huli, kung ano ang pinakatamang maisip mo, ito ay kusang ipagkakaloob sa iyo ng nasa Itaas. Masuwerteng kulay-blue. Tips sa lotto-5-7-23-26-33-41.