Horoscope | Mayo 1, 2025 (Huwebes)

ni Maestro Honorio Ong @Horoscope | May 1, 2025

Sa may kaarawan ngayong Mayo 1, 2025 (Huwebes): Palaging nakasikat ang Haring Araw sa kapalaran mo. Ibig sabihin, hindi ka iiwan ng suwerte mo anuman ang mangyari sa iyo.

ARIES (Mar. 21-Apr. 19) - Hindi ka dapat maapektuhan ng kalungkutan. Ito ang mensahe ng iyong kapalaran. Masuwerteng kulay-purple. Tips sa lotto-6-15-20-24-26-30.

TAURUS (Apr. 20-May 20) - Lumayo ka sa mga taong reklamador at panay ang daing, dahil iisa lang ang kanilang kauuwian at iyon ay ang pagkakaroon ng ‘di magandang kapalaran. Kaya lumayo ka na muna sa kanila at baka madamay ka pa. Masuwerteng kulay-pink. Tips sa lotto-2-18-23-32-39-45

GEMINI (May 21-June 20) - Bumibilis ang kilos kapag ang tao ay sinusuwerte. Ito mismo ang mangyayari sa iyo, dahil bubuwenasin ka ngayon. Masuwerteng kulay-beige. Tips sa lotto-12-26-29-31-38-41.

CANCER (June 21-July 22) - Kahit masipag ang tao, ‘di pa rin siya uunlad kung wala sa lugar ang kanyang kasipagan. Tukuyin mo kung saan ka magaling at doon mo gamitin ang iyong kasipagan. Masuwerteng kulay-blue. Tips sa lotto-1-16-25-34-38-40.

LEO (July 23-Aug. 22) - Sabi nila, sa likod ng madilim na ulap, meron liwanag. Kaya panatilihin mo ang ningas ng iyong pag-asa kahit pa may pinagdaraanan ka. Masuwerteng kulay-black. Tips sa lotto-4-18-22-27-30-35.

VIRGO (Aug. 23-Sept. 22) - Hindi ka hihiwalayan ng mga suwerte ngayon, dahil noon pa nagpasya ang langit na kahit ano ka pa, papakitaan ka pa rin ng pagmamahal ng Diyos. Masuwerteng kulay-violet. Tips sa lotto-6-11-13-21-24-41.

LIBRA (Sept. 23-Oct. 22) - Madalas nakakalimot ang kaibigan. Subalit hindi ibig sabihin nu’n ay hindi na niya pinahahalagahan ang inyong pinagsamahan. Masuwerteng kulay-peach. Tips sa lotto-3-19-22-29-37-40.

SCORPIO (Oct. 23-Nov. 21) - Nababasag ang itlog kapag malapit nang lumabas ang sisiw. Kaya mali ang inaakala mo na kaya nabasag ang isang bagay at dahil sa paparating na kamalasan. Sa katunayan, mas susuwertehin ka pa sa susunod na mga araw. Masuwerteng kulay-red. Tips sa lotto-9-10-17-23-39-44.

SAGITTARIUS (Nov. 22-Dec. 21) - Hindi ito paramihan ng kaibigan. Sa katunayan, mas konting kaibigan, mas masaya. Masuwerteng kulay-old rose. Tips sa lotto-3-12-22-28-32-43.

CAPRICORN (Dec. 22-Jan. 19) - Hindi ka dapat magdusa at masaktan sa maling pakikipagrelasyon. Masuwerteng kulay-white. Tips sa lotto-4-08-17-25-30-41.

AQUARIUS (Jan. 20-Feb. 18) - Mas matamis ang bunga kung ito ay hihintayin munang mahinog. Huwag kang mainip at isabuhay mo muna na ang taong marunong maghintay ay tiyak na magkakaroon ng magagandang kapalaran. Masuwerteng kulay-green.Tips sa lotto-15-18-21-28-33-40.

PISCES (Feb. 19-Mar. 20) - Isinasauli ang hiniram. Kaya anuman ang hiramin mo, isauli mo ito agad. Ito ang payo ng iyong kapalaran. Masuwerteng kulay-yellow. Tips sa lotto-2-11-24-30-35-42.