ni Maestro Honorio Ong - @Horoscope| July 28, 2021
Sa may kaarawan ngayong Hulyo 28, 2021 (Miyerkules): Hindi ka pababayaan ng iyong kapalaran. Ang totoo nga, walang patid ang pagdating ng mga suwerte mo kahit paminsan-minsan ay kumukuha lang ang mga ito ng malakas na buwelo.
ARIES (Mar. 21-Apr. 19) - Palakihin mo ang munting suwerte na sasaiyo. Gawin mo itong tulad ng maliit na binhi na magiging malaking bungang-kahoy na hitik na hitik sa bunga. Masuwerteng kulay-purple. Tips sa lotto-2-19-20-24-39-45.
TAURUS (Apr. 20-May 20) - Magsaya ka kahit may problema ka dahil walang karapatan ang mga problema kahit pa gaano sila kabigat para mawala ang saya mo. Ito ang mensahe para sa iyo. Masuwerteng kulay-pink. Tips sa lotto-4-11-17-29-34-38.
GEMINI (May 21-June 20) - Lumalakas ang tao kapag nakapagpahinga kaya mamahinga ka muna. Huwag mong panghinayangan ang mga nakikita mong magagandang bagay. Ang mahalaga ay ang mamahinga ka. Masuwerteng kulay-beige. Tips sa lotto-1-19-28-31-32-34.
CANCER (June 21-July 22) - Tumulong ka sa hihingi sa iyo ng tulong at huwag mo nang unahin ang iyong sarili. Sa ganitong paraan, hahanga sa iyo ang langit at pagkakalooban ka ng nakamamanghang mga suwerte. Masuwerteng kulay-blue. Tips sa lotto-14-18-26-34-38-43.
LEO (July 23-Aug. 22) - Hayaan mo lang ang mga kaganapan na parang prusisyon na nagdaraan sa iyong harapan. Manahimik ka at ipanatag mo lang ang iyong kalooban. Mahirap maunawaan ang pagsasaayos ng langit sa kapalaran ng tao. Masuwerteng kulay-black. Tips sa lotto-5-10-25-30-35-42.
VIRGO (Aug. 23-Sept. 22) - Kung ano ang ipukol sa iyo ng kapwa mo, tanggapin at hayaan mo. Isang araw, magugulat ka dahil ang mismong langit ay hahagisan ka ng malaking suwerte na ikamamangha ng nasa paligid mo. Masuwerteng kulay-violet. Tips sa lotto-3-11-15-21-28-35.
LIBRA (Sept. 23-Oct. 22) - Pagmasdan mo ang lahat nang may pag-ibig sa iyong mga mata. Ito ang sikreto upang gumanda ang kapalaran ng isang tao. Ito rin ang mensahe ng iyong kapalaran. Masuwerteng kulay-peach. Tips sa lotto-12-17-20-24-31-37.
SCORPIO (Oct. 23-Nov. 21) - Haharangin ng langit ang hindi magagandang bagay na maaaring sumaiyo. Ang papayagan lang na mapasaiyo ay ang mga bagay na labis na magbibigay ng ligaya sa iyo. Masuwerteng kulay-red. Tips sa lotto-11-19-29-30-34-43.
SAGITTARIUS (Nov. 22-Dec. 21) - Ituloy mo ang gusto mo kahit may mga kontrabida. Noon pa man, pagdating sa huli, ang kagustuhan mo ay mas tama kaysa sa kanilang paniniwala. Masuwerteng kulay-brown. Tips sa lotto-17-21-23-31-32-35.
CAPRICORN (Dec. 22-Jan. 19) - Napapahiya ang nagbubuhat ng sariling upuan dahil siya ay ibabalik sa hulihan. Ikaw naman na ayaw makialam ay bubuhatin ng langit at ilalagay sa unahan. Masuwerteng kulay-white. Tips sa lotto-4-15-16-26-33-41.
AQUARIUS (Jan. 20-Feb. 18) - Hayaan mo lang ang mga ayaw maniwala sa iyo. Pero kapag dumating na ang nakatakdang buwenas, huwag mo pa rin silang kalilimutan. Ito ang mensahe para sa iyo. Masuwerteng kulay-green. Tips sa lotto-9-12-17-32-36-41.
PISCES (Feb. 19-Mar. 20) - Walang magandang napapala ang nagdududa. Maraming suwerte na para sa kanya ang masasayang. Magtiwala ka sa iyong sarili at makikita mo na dahil dito, magtutuloy-tuloy ang buwenas mo. Masuwerteng kulay-yellow. Tips sa lotto-6-10-14-23-32-39.