Horoscope | Hulyo 2, 2025 (Miyerkules)

ni Maestro Honorio Ong @Horoscope | July 2, 2025

Sa may kaarawan ngayong Hulyo 2, 2025 (Miyerkules): Hindi ka pababayaan ng langit dahil sa malinis at dalisay mong kalooban. Ang mga pagpapalang ito ay magpapatuloy pa nang magpapatuloy.

ARIES (Mar. 21-Apr. 19) - Kalawang ang sumisira sa bakal, kaya mag-ingat ka sa taong matagal nang kinakalawang ang isip, na hanggang ngayon ay nakadikit pa rin sa iyo. Kung pag-aaralan mong mabuti, siya ang pabigat sa buhay mo. Masuwerteng kulay-peach. Tips sa lotto-3-19-26-30-36-41.

TAURUS (Apr. 20-May 20) - Kadalasan, bihirang dumating ang magandang oportunidad, pero espesyal ka ngayon, dahil ang mga oportunidad na mag-aangat sa buhay mo ay walang tigil na dadagsa sa iyo ngayon. Masuwerteng kulay-red. Tips sa lotto-9-11-12-23-37-42.

GEMINI (May 21-June 20) - Walang anumang lumot ang batong gulong nang gulong. Kaya huwag kang pabagu-bago ng trabaho, dahil hindi ka rin makakaipon kahit piso kung ‘di ka magtitiyaga. Ito ang payo ng iyong kapalaran. Masuwerteng kulay-silver. Tips sa lotto-3-18-22-27-33-38.

CANCER (June 21-July 22) - Bakit mo aangkinin mo ang bagay na ‘di mo pa naman hawak? Puwede mo pa lang ito angkinin kapag sa iyo na ito napunta. Ito ang mensahe para sa iyo. Masuwerteng kulay-white. Tips sa lotto-7-16-20-35-39-45.

LEO (July 23-Aug. 22) - Madaling makalimutan ang hindi nakikita. Ito ang lihim na dahilan kung bakit mapapalayo ka ngayon sa taong malapit sa buhay mo. Masuwerteng kulay-green. Tips sa lotto-1-19-22-31-37-40.

VIRGO (Aug. 23-Sept. 22) - Kahit sobrang basa ng kahoy, ito ay mag-iinit pa rin kapag nadikit sa apoy. Pilitin mong panghawakan ang pangako mo sa iyong sarili, dahil ang mas malakas ka kesa dati. Masuwerteng kulay-yellow. Tips sa lotto-9-14-23-25-34-44.

LIBRA (Sept. 23-Oct. 22) - Kahit huli na, mas maganda pa rin kung makakahabol ka. Masuwerteng kulay-purple. Tips sa lotto-3-15-21-26-36-43.

SCORPIO (Oct. 23-Nov. 21) - Kapag napaso ang dila, ang nakasubo ay kusang nailuluwa.  Bago mo kunin ang isang bagay, alamin mo muna ang kanyang nakaraan.  Ito ang susi ng maligaya at matagalang pakikipagrelasyon. Masuwerteng kulay-pink. Tips sa lotto-5-13-27-29-30-34.

SAGITTARIUS (Nov. 22-Dec. 21) - Walang silbi ang kanin kung wala namang ulam sa pinggan. Aanhin mo ang alok na pakikipagrelasyon kung sa puso mo ay wala namang pagmamahal? Mag-isip ka munang mabuti. Masuwerteng kulay-beige. Tips sa lotto-4-12-28-30-38-42.

CAPRICORN (Dec. 22-Jan. 19) - Ito ang araw na inilaan sa iyo. Humiling ka ng kahit ano. Makikita mo, sa susunod na araw, lahat ng hiniling mo ay makakatotoo rin. Masuwerteng kulay-blue. Tips sa lotto-8-18-21-25-33-45.

AQUARIUS (Jan. 20-Feb. 18) - Magplano ka muna bago ka lumantad. Ito ang paraan upang ‘di ka mabigo. Ito ang mensahe ng iyong kapalaran. Masuwerteng kulay-black. Tips sa lotto-3-13-16-26-37-41.

PISCES (Feb. 19-Mar. 20) - Ang pula ay pula. Kapag hindi ka nila nabola, ang pula ay posibleng maging puti. Ito ang mensahe para sa iyo. Masuwerteng kulay-violet. Tips sa lotto-7-15-20-22-27-33.