ni Maestro Honorio Ong @Horoscope | Disyembre 20, 2023
Sa may kaarawan ngayong Disyembre 20, 2023 (Miyerkules): Malambot ang damdamin mo, kaya marami ang mananamantala sa kabaitan mo. At dahil din dito kaya binibiyayaan ka ng langit.
ARIES (Mar. 21-Apr. 19) - Maging mapagmatyag ka. May ilang tao na ang gusto ay unahin mo ang kanilang kapakanan kaysa sa iyo. Mas maganda na huwag ka munang humingi ng tulong at alalay sa iba. Masuwerteng kulay-purple. Tips sa lotto-8-10-13-19-22-39.
TAURUS (Apr. 20-May 20) - Sundin mo ang iyong damdamin kahit hindi pabor ang iyong isip. Ang kaligayahan ay nagmumula sa puso at hindi sa isip. Ito ang mensahe ng iyong kapalaran sa araw na ito. Masuwerteng kulay-pink. Tips sa lotto-6-15-18-21-33-38.
GEMINI (May 21-June 20) - Masayang magbigay kaysa tumanggap. Ito ang makikita na iyong isinasabuhay. Sa ngayon, marami kang pinasasaya at pasasayahin pa. Masuwerteng kulay-beige. Tips sa lotto-4-17-23-37-41-45.
CANCER (June 21-July 22) - Iyung-iyo ang araw na ito. Gawin mo na ang gusto mong gawin at kahit may pagkaimposible, gagawa ng paraan ang langit para mapuno ng kagalakan ang puso mo. Masuwerteng kulay-blue. Tips sa lotto-2-16-20-25-28-34.
LEO (July 23-Aug. 22) - Iiral ang iyong kabaitan pero para sa iba ito ay maling kabaitan dahil ang mga hindi karapat-dapat tulungan ay iyong pagbibigyan. Masuwerteng kulay-black. Tips sa lotto-1-10-19-22-28-37.
VIRGO (Aug. 23-Sept. 22) - Mahina ka ngayon dahil makikitang nagiging mahiyain kang muli. Tinalo mo na ang pagiging mahiyain noon, kaya ngayon, ito ay dapat mo muling talunin. Masuwerteng kulay-violet. Tips sa lotto-5-14-22-28-35-44.
LIBRA (Sept. 23-Oct. 22) - Sa ilog ng iyong damdamin, hayaan mong lumutang ang iyong kabaitan. Kakilala o hindi kakilala, anuman ang pagkatao, tumulong ka pa rin. Masuwerteng kulay-peach. Tips sa lotto-4-7-18-24-33-41.
SCORPIO (Oct. 23-Nov. 21) - Dumarating ang alalay ng langit kapag ang suliranin ay hindi na kaya ng tao. Gayunman, gawin mo pa rin ang makakaya mo. Masuwerteng kulay-red. Tips sa lotto-6-15-18-23-35-45.
SAGITTARIUS (Nov. 22-Dec. 21) - Pahalagahan mo ngayon ang pakikipagkapwa-tao. Mas minamahal ng langit ang mga nagmamalasakit at nagmamahal sa kanyang kapwa. Masuwerteng kulay-burgundy. Tips sa lotto-2-17-23-38-40-43.
CAPRICORN (Dec. 22-Jan. 19) - Ibigay mo ang iyong makakaya para sa iyong pangarap. Magtiwala ka na hindi ka pababayaan ng langit. Ang mga hadlang at balakid sa iyong landas ay alisin mo para hindi ka mahirapan. Masuwerteng kulay-white. Tips sa lotto-4-19-27-35-37-44.
AQUARIUS (Jan. 20-Feb. 18) - Mahina ka ngayon pero huwag mong ipakita na mahina ka. Magkunwari kang malakas, at huwag ka agad-agad na sasang-ayon sa gusto ng ibang tao. Masuwerteng kulay-green. Tips sa lotto-1-17-23-29-31-41.
PISCES (Feb. 19-Mar. 20) - Darating ngayon ang mga suwerte na iyong pinalampas dahil naging abala ka sa mga walang kuwentang bagay. Anuman ang gawin mo at kahit nasaan ka, dadapo ito saiyo. Masuwerteng kulay-yellow. Tips sa lotto-2-15-25-34-40-45.
Comments