Horoscope | Agosto 14, 2025 (Huwebes)

ni Maestro Honorio Ong @Horoscope | August 14, 2025

Sa may kaarawan ngayong Agosto 14, 2025 (Huwebes): Ang sabi nila, hindi ka nag-iisip. Subalit ang hindi nila alam, mabilis na gumagana ang isip mo. Kaya mabilis mo rin malaman kung ano ang pinakamagandang gawin.

ARIES (Mar. 21-Apr. 19) - Huwag kang mag-alinlangan. Kung pag-aaralan mo ang iyong mga nakaraan, sa tuwing nag-aalinlangan ka, nauunahan ka ng iba. Masuwerteng kulay-green. Tips sa lotto-9-18-29-34-37-44.

TAURUS (Apr, 20-May 20) - Magtiwala ka sa sarili mo. Ikaw ang nakakaalam kung ano ang makakabuti sa buhay mo. Kaya huwag mong hayaan na iba ang magpasya para sa iyo. Masuwerteng kulay-yellow. Tips sa lotto-6-17-20-26-41-43.

GEMINI (May 21-June 20) - Darating ang suwerte mo sa paraang hindi mo gusto. Dahil ang langit mismo ang nakakaalam kung ano ang dapat na pagdaanan mo. Masuwerteng kulay-purple. Tips sa lotto-5-17-21-26-38-40.

CANCER (June 21-July 22) - Huwag mong patayin ang ningas ng iyong sigasig. Kumikilos ang mundo sa pagpapalitan ng gabi at araw. Masuwerteng kulay-pink. Tips sa lotto-7-11-18-24-29-42.

LEO (July 23-Aug. 22) - Okey lang matalo. Dito sa mundo, may natatalo at may nananalo. Tiyak na mapapasaiyo ang panalo kapag nadehado ka. Masuwerteng kulay-beige. Tips sa lotto-14-19-25-28-33-35.

VIRGO (Aug. 23-Sept. 22) - Dagdagan mo ang bawat hakbang mo. Sa ganitong paraan, maiiwan mo ang iyong mga kalaban. Huwag kang makuntento sa mga suwerteng hawak mo. Masuwerteng kulay-blue. Tips sa lotto-5-16-20-24-37-40.

LIBRA (Sept. 23-Oct. 22) - Dikit nang dikit sa iyo ang mga pabigat. Gayunpaman, may hatid silang suwerte, kaya ‘di mo dapat sila layuan. Masuwerteng kulay-black. Tips sa lotto-4-11-22-26-32-44.

SCORPIO (Oct. 23-Nov. 21) - Ibahagi mo sa mga taong malapit sa iyo ang mga pumapasok sa isip mo para buwenasin ka. Sa ganitong paraan hindi ka man makipagsapalaran, makakahawak ka pa rin ng panalo at napakalaking halaga. Masuwerteng kulay-violet. Tips sa lotto-4-17-21-30-38-45.

SAGITTARIUS (Nov. 22-Dec. 21) - Matagal pag-aralan kung paano susuwertehin ang isang tao. Ngunit ang sa iyo ay kakaiba. Ang nasa itaas mismo ang magbibigay sa iyo ng suwerte. Kaya sa araw na ito at sa susunod pang mga araw, ibubuhos na sa harap mo ang magagandang kapalarang magmumula mismo sa bintana ng langit. Masuwerteng kulay-peach. Tips sa lotto-3-14-28-35-40-44.

CAPRICORN (Dec. 22-Jan. 19) - Kung sino pa ang taong ayaw makipagsapalaran, siya pa ang sinusuwerte. Kilala mo ba kung sino siya? Sino pa nga ba, eh ‘di ikaw. Masuwerteng kulay-red. Tips sa lotto-6-19-24-27-33-41.

AQUARIUS (Jan. 20-Feb.18) - Parang hangin na biglang papasok sa isip mo ang mga panalo. Subalit kung hindi mo bibilisan, manghihinayang at magsisisi ka lang. Masuwerteng kulay-orange. Tips sa lotto-13-29-31-38-40-43.

PISCES (Feb. 19-Mar. 20) - Hindi mo na kailangan pang magsayang ng oras upang malaman mo kung ano ang iyong gagawin. Ito ang mensahe para sa iyo. Masuwerteng kulay-white. Tips sa lotto-7-14-16-22-34-42.