Horoscope | Agosto 1, 2025 (Biyernes)

ni Maestro Honorio Ong @Horoscope | August 1, 2025

Sa may kaarawan ngayong Agosto 1, 2025 (Biyernes): Ipinanganak ka na may kakambal na suwerte. Kaya naman, marami ang susuwertehin dahil sa iyo. Ginagarantiya rin ng kapalaran mo na makakaani ka ng mga parangal, pagkilala, papuri at medalya.

ARIES (Mar. 21-Apr. 19) - Magtiwala ka sa kapalaran mo, at huwag kang mag-alinlangan. Dahil higit na maganda ang kapalaran mo kesa sa ibang tao. Masuwerteng kulay-red. Tips sa lotto-9-11-19-25-31-45.

TAURUS (Apr, 20-May 20) - Ngayon na gagawa ng paraan ang langit upang mapadali ang katuparan ng mga gustung-gusto mo. Subalit, huwag mong kaligtaan na magpasalamat lagi sa Itaas. Masuwerteng kulay-burgundy. Tips sa lotto-8-21-24-32-37-42.

GEMINI (May 21-June 20) - Matatangay ka sa mabilis na takbo ng kapalaran mo, at matatagpuan mo ang iyong sarili na yakap-yakap ang magagandang kapalaran na magbibigay sa iyo ng sobrang kasiyahan. Masuwerteng kulay-white. Tips sa lotto-3-17-26-33-34-44.

CANCER (June 21-July 22) - Ito ang araw na kukunsintihin ka ng mga nagmamahal sa iyo, dahil nakatanggap sila ng lihim na utos mula sa langit na ikaw ay pabigyan sa lahat ng naisin mo. Masuwerteng kulay-green. Tips sa lotto-7-10-11-15-28-38.

LEO (July 23-Aug. 22) - Iyung-iyo ang araw na ito, at walang sinuman ang puwedeng umagaw sa iyo. Ang sinumang magtangkang kunin ito sa iyo ay tiyak na makakaani ng pangit na kapalaran. Masuwerteng kulay-yellow. Tips sa lotto-1-18-20-22-31-40.

VIRGO (Aug. 23-Sept. 22) - Makakalimutan mo ang mga daing mo, at mapapalitan ito ng mga kasiyahan at kaligayahan, dahil na rin sa maganda mong kapalaran. Masuwerteng kulay-purple. Tips sa lotto-9-16-27-34-36-43.

LIBRA (Sept. 23-Oct. 22) - Mahalin mo ang taong noon pa nagmamahal at sumusuporta sa iyo. Sila ang suwerte mo na mag-aalis ng lahat ng mga suliranin mo sa buhay. Masuwerteng kulay-pink. Tips sa lotto-3-17-23-33-35-41.

SCORPIO (Oct. 23-Nov. 21) - Iwasan mong magalit ngayon, dahil posibleng maantala ang mga suwerteng gustong dumapo sa iyo. Masuwerteng kulay-beige. Tips sa lotto-1-18-21-25-28-39.

SAGITTARIUS (Nov. 22-Dec. 21) - Huwag mong pairalin ang mata sa mata, at ngipin sa ngipin. Ibig sabihin, hindi ka dapat maghiganti at magalit. Sapagkat, mas gaganda ang kapalaran mo kapag pinakitaan mo ng kabutihan ang iyong mga kinaiinisan. Masuwerteng kulay-blue. Tips sa lotto-2-19-24-30-32-44.

CAPRICORN (Dec. 22-Jan. 19) - Muli kang aalalayan ng langit para malampasan mo ang mga hamon ng iyong kapalaran. Magtiwala ka, dahil kahit noon pa man, lagi ka na Niyang inaalalayan. Masuwerteng kulay-black. Tips sa lotto-4-15-20-24-37-43.

AQUARIUS (Jan. 20-Feb.18) - Makakabahagi ka sa mga suwerteng ihuhulog ng langit ngayon.  Para mas malaki at mas marami ang mapasaiyo, ang payo ay nagsasabing magkawanggawa ka. Masuwerteng kulay-violet. Tips sa lotto-4-17-21-27-38-40.

PISCES (Feb. 19-Mar. 20) - Tulad ng dati, kapag masaya ka, susuwertehin ka. Mas maganda na dumikit ka sa mga masayahin, palabiro at palakuwento. Masuwerteng kulay-peach. Tips sa lotto-6-19-28-30-34-45.