Hombre, isasabak sa 3-YO Maiden Race

ni Green Lantern @Renda at Latigo | January 13, 2022

Rarampa sa pista si Hombre sa 3-Year-Old & Above Maiden Race na ilalarga sa Metro Turf, Malvar - Tanauan City, Batangas ngayong araw.

Paniguradong mapapalaban si Hombre na sasakyan ni class A jockey Oneal Cortez kontra pitong tigasing batang kabayo sa distansiyang 1,200 meter race.

Base sa komento ng mga karerista sa social media, posibleng magbigay ng magandang laban kay Hombre si Music Lover na sasakyan naman ni Kelvin Abobo na isa ring class A rider.

Nakalaan ang added prize na P20,000 para sa winning horse owner ang ibang kalahok ay sina Quarantine, Ark Of Gold, Steal Away, Mount Timbak, Mystic at Kingwash Koh.

"Kay Hombre ako pero sigurado mapapalaban siya diyan magagaling din kasi ang mga kasali lalo na si Music Lover," saad ni Pablito Manansala, veteran karerista na taga-Tayuman.

Pakakawalan sa race 2 ang nasabing karera, kung saan ay iyon din ang simula ng Pick 6.

May pitong karera ang ilalarga ng Metro Manila Turf Club Inc. (MMTCI), lahat ay suportado ng Philippine Racing Commission, (PHILRACOM) sa pamumuno ni chairman Reli De Leon.

Samantala, pitong kabayo ang magtatagisan ng bilis sa Condition race na ilalarga sa unang karera.

Ang mga kasali ay sina Speeding Hero, Doktora, Gil's Magic, Elegant Lady, Golden Sunrise, Biglang Buhos at Bravo. Paglalabanan ang karagdagang P10,000 premyo para sa may-ari ng mananalong kabayo.

Mga Pili ni Green Lantern:

Race 1 - Bravo, (7), Elegant Lady (4), Speeding Hero (1)

Race 2 - Hombre (2), Music Lover (7)

Race 3 - Queensland (2), Charm Luck (6), Winsome Maxxine (4)

Race 4 - Rockaway (3), Happy Julliane (7)

Race 5 - Speak Easy (5), Che Che (1), Quincy (2)

Race 6 - Red Queen (8), Eochirunran (4), Mr. Dynamic (1)

Race 7 - My Dad Bogart (10), Sound Barrier (8), Montage (1)