HIPON GIRL, TINURUANG KUMANTA ANG MGA KANDIDATA SA MISS PLANET INTERNATIONAL
- BULGAR
- Nov 12, 2022
- 1 min read
ni Beth Gelena - @Bulgary Files | November 12, 2022
Kinaaliwan si Herlene Nicole Budol sa isang video kung saan tinuturuan niya ang mga kapwa kandidata ng Miss Planet International ng kantang Moon ni Nik Makino.
Game ang mga kandidata ng Miss Planet International na nakikanta at nakisayaw kay Herlene.
Natuwa ang mga followers ng 1st runner-up ng Bb. Pilipinas 2022 dahil ang galing daw nitong makipagkaibigan sa mga kandidata. Keber daw kung hirap siyang magsalita nang diretso sa wikang Ingles.
Kasalukuyang nasa Uganda sa Africa si Herlene para kumatawan sa Pilipinas para sa Miss Planet International na gaganapin sa Uganda, Africa sa November 19.
Aba, kung sa Miss Congeniality lang ay akmang-akma si Herlene sa special award na 'yun. Pero siyempre, much better kung korona ng MPI ang maiuuwi niya.
Comments