HIPON GIRL, PINAG-AAGAWAN NA NG MGA CELEB VLOGGERS

ni Erlinda Rapadas - @Teka Nga | August 29, 2022

Masayang-masaya ang Bb. Pilipinas First Runner-Up na si Herlene Budol nang mag-celebrate ng kanyang 23rd birthday recently.

Du’n na sa kanyang bagong bahay siya naghanda. Nandu’n at bumati ang kanyang mga mahal sa buhay, ganu’n din ang kanyang mga kaibigan at kababata sa Angono.

Natupad din ang birthday wish ni Herlene na makapagsuot siya ng Darna costume sa kanyang birthday party.

Patuloy ang pagdating ng mga paanyaya kay Herlene sa iba’t ibang okasyon. Natabunan na niya nang husto ang nanalong Bb. Pilipinas 2022 na si Nicole Borromeo ng Cebu.

Maging ang ilang celebrity vloggers ay gusto siyang maka-collab.

Well, tiyak na magkakaroon din siya ng offer na mag-endorse ng mga produkto.

Sa tagumpay na nakamit ngayon ni Herlene Budol a.k.a. Hipon Girl, tiyak na hindi na siya mabu-bully at hahamakin. Nag-level-up na ang kanyang status sa buhay ngayon. At patuloy niyang pasasalamatan ang Wowowin host na si Willie Revillame na naging daan kaya siya napasok sa showbiz.