Hindi pa nakaka-recover, may krisis na naman!

ni Ka Ambo - @Bistado | January 04, 2022

GUMAGRABE na naman ang COVID-19.

Tatabo na naman ng limpak limpak ang mga buwitre!

◘◘◘

HINDI pa nakaka-recover, ere na naman ang krisis.

Wala nang ayuda!

◘◘◘

SA pagpasok ng Omicron, paano pa ang mga biktima ni “Odette”?

Wala nang susulingan pa!

◘◘◘

NALUGI na naman ang public transport.

Kaawa-awang Pinoy!

◘◘◘

EPEKTIBO ang booster kontra Omicron.

Pero, delikado ang mga walang bakuna!

◘◘◘

INIRAOS lang ang Kapaskuhan, ‘eto na naman ang COVID-19.

Doble-kalbaryo sa 2-0-22!

◘◘◘

WALA nang nakikitang solusyon dito.

Paano na ngayon ang buhay?

◘◘◘

MAGING ang malalaking bansa ay hindi nakaligtas sa Omicron.

Paano kung masundan pa ito ng patung-patong na mutation?

◘◘◘

AYAW pang mag-house-to-house upang mapuwersang bakunahan ang lahat ng mamamayan.

Pero, ang second dose ay hindi sapat na depensa.

Kailangan pa rin ang booster shot!

◘◘◘

HEALTH pa rin ang No. 1 prayoridad.

Pero, sa campaign ads, puro trabaho ang target ng propaganda.

Paano makakapagtrabaho kung nakaratay sa banig ng karamdaman?

◘◘◘

DAPAT nang ilibre ang vitamins, maintainance, flu vaccine at anti-pneumo vaccines.

Iyan ng dapat pondohan!