Hinaharang?! BEA, 'DI MAKAPAG-GUEST SA SHOW NI JOHN LLOYD

ni Erlinda Rapadas - @Teka Nga | May 29, 2022

Malaking katanungan para sa mga fans ni Bea Alonzo kung bakit hanggang ngayon ay hindi pa rin umaapir sa Happy ToGetHer ang kanilang idolo? May pumipigil ba at humaharang sa kanilang muling pagtatambal ni Lloydie?

Okey naman sa mga fans nina Bea at John Lloyd kung hindi muna magkasama sa pelikula ang dalawa. Maaaring iba ang plano ng kani-kanilang manager para sa kanilang career.

Pero, sana naman daw ay pagbigyan nina Bea at JLC ang kanilang mga diehard fans na matagal nang nakikiusap at naghihintay sa kanilang pagtatambal. Masaya na sila kahit na sa Happy ToGetHer lang nila mapapanood ang kanilang mga idolo.