HEART, TODO-IWAS SA MGA TANONG NG FANS SA HIWALAYAN NILA NI CHIZ

ni Vinia Vivar - @Frankly Speaking | September 30, 2022

Sa kauna-unahang pagkakataon, matapos mabalita ang hiwalayan nila ng asawang si Chiz Escudero ay sandaling nag-live si Heart Evangelista sa kanyang Instagram kahapon.

Kasalukuyang nasa Paris si Heart at aniya, may free time siya na few minutes at matagal na niyang hindi nakakatsikahan ang mga fans niya kaya naisip niyang mag-live.

Halos 15 minutes din ang itinagal ng live feed ni Heart at sinagot niya ang ilang katanungan ng kanyang mga followers.

Aniya ay super-pagod siya kaya sa simula ng video ay nakahiga siya, pero aniya ay happy naman siya.

“Actually, a lot of people ask me about fashion week and they asked what I do here or puro lakwatsa, eme, ‘yang ganyan. Dear, trabaho po siya. Hindi po siya madali. Maganda lang siya and masaya siya kasi it’s something that I love to do. I love fashion, I love dressing up. But it’s really a full job,” ani Heart.

Sey pa niya ay kailangan niyang magtrabaho dahil hindi siya nanghihingi, na tila may hugot.

“You know, I’ve never been really the type who just stay home and wait. I’m very creative with my time and I’m very productive with my time. I’m a working girl. I’m not ‘Miss Hingi,' so, yeah. I work. So, that’s what I do,” pahayag ng Kapuso actress.

May nagtanong din kung nagkita ba sila ng South Korean singer na si Jisoo of Black Pink sa Paris Fashion Week.

“I did. She passed in front of me but you know, I was too shy. A lot of people were saying ‘hi’ to her and I understand, I’m sure it can be very stressful but she’s always so lovely, so pretty,” pagbabahagi niya.

Of course, may mga nagtanong sa kanya about Sen. Chiz, pero mukhang hindi pa siya ready na sagutin ang tungkol sa mga bali-balita dahil hindi niya binabasa ang anumang tanong about him.

Sa huli ay nagbiro si Heart na hindi muna siya babalik ng Pilipinas pero binawi rin niya ito.

“Dito muna ako, hindi muna ako babalik (sabay-tawa). No, I’ve got to work,” aniya.

Sa nagtanong kung kailan siya babalik ng 'Pinas, sagot ni Heart, “indefinitely.”