Hanggang salita lang ang mga amuyong ni P-Digong, wa’ namang diskarte!

ni Ka Ambo - @Bistado | February 23, 2021

Wala pa ring COVID vaccine na naide-deliver sa Pilipinas.

Puro bokadura lang!

◘◘◘

Nakukumpirma natin ngayon na ang Pilipinas ay kabilang sa mga nagdarahop na bansa na “napag-iiwanan” sa distribusyon ng bakuna.

Ibig sabihin, hindi epektibo ang diskarte ng gobyerno sa loob ng 12 buwan!

◘◘◘

Kay yayabang kung magsalita ng mga amuyong ni P-Digong na tila ba nagtatrabaho sa katindihan ng pandemic, pero hindi naman talagang epektibo ang diskarte.

Hanggang ngayon ay walang bakuna!

◘◘◘

Hindi masama kung talagang wala pang dumarating na bakuna.

Ang masama ay ang magyabang at “paasahin” ang publiko na nagtatrabaho ang mga loko.

Kung napag-iiwanan ang Pilipinas, para saan pa ang task force COVID-19?

Waley!

◘◘◘

Ang kahinaan ng mga amuyong ni P-Digong kasabay ng krisis na nararanasan ngayon ay masamang repleksiyon sa kanyang administrasyon.

Hindi nakatitiyak si P-Digong na kapanalig niya ang mauupo sa Malacañang sa 2022!

◘◘◘

Makikita rito na hindi lahat ng itinatalaga ni P-Digong sa gobyerno ay matitino dahil marami sa mga ‘yan ay palpak.

Hindi rin garantiya na ang anumang sabihin ni P-Digong ay dapat paniwalaan!

◘◘◘

Ilang buwan na lamang ng itatagal ni P-Digong sa Malacañang pero wala tayong maituturong matinong ayudante na masasandalan sa epektibong desisyon.

Si Sen. Bong Go ay nilamon na rin ng iskemang pulitika!

◘◘◘

Lumalakas ang loob ng oposisyon kapag nakikitang pumapalpak ang pamahalaan.

‘Yan ay senaryo na dapat paghandaan!

◘◘◘

Wala nang gaanong ulat kaugnay sa kampanya kontra ilegal na droga.

Maaaring pera-pera na rin ang kalakaran!

◘◘◘

Kahit ang korupsiyon ay laganap sa lahat ng antas.

Ang kaban ng bayan ay sinimot gamit ang “COVID”!

Tsk-tsk-tsk!