Habang nasa tren sa Japan… BEA, IBINULGAR NA NOV. 3, 2019 NANG MAINLAB KAY DOMINIC

ni Nitz Miralles - @Bida | November 6, 2022

Kinailangan pala talagang sumunod ni Dominic Roque kay Bea Alonzo dahil kailangang magkasama sila noong November 3.

Sa kanyang post, binanggit ni Bea ang kahalagahan ng nasabing petsa sa relasyon nila ni Dominic.

Sa Milan, Italy nag-catch-up ang dalawa at sa nasabing petsa, nasa Italy pa rin sila.

“We ordered sushi to celebrate our trip to Japan on Nov. 3, 2019.

"Not our anniversary, but that was the day we saw each other in a different light other than being platonic friends. We dated for more than a year after that. However, for me, that day was extraordinary, and I still feel kilig whenever I’d remember that gaze he was giving me on the train while I was explaining to him the dream movie concept I had in my mind. No one’s listened to me so intently like that, like he was so interested in what I had to say. Parang nag-slowmo ang mundo at walang ibang tao kundi kaming dalawa lang. Cheers to more moments like that, hun. I love you @dominicroque.”

“ILY (with red heart emoji)” ang sagot ni Dominic sa post ni Bea at sa Instagram nito, nag-post siya ng photo nila ni Bea at may caption na: “Third to 3rd.”

Ang talagang hinihintay ng BeaDom fans ay kung kailan magpo-propose si Dominic at kung kailan sila ikakasal ni Bea. Mas excited pa ang mga fans than the couple at dahil ito sa mahal nila ang dalawa.

Anyway, mahaba pa ang araw ng bakasyon ni Bea, marami pa silang lugar na mapupuntahan ni Dominic. Walang mabibitin na trabaho si Bea dahil tapos na ang taping ng Start-Up PH nila ni Alden Richards at madrama ang last Friday episode. Nag-walkout si Tristan (Alden) dahil mas pinili ni Dani (Bea) na coach si David (Jeric Gonzales).

Dagdag-pressure kay Dani ‘yun lalo’t binu-bully pa siya ng sister niyang si Ina (Yasmien).

Magiging daan ‘yun para aminin ni Tristan na gusto niya si Dani.

Dramatic at emotional ang eksenang inamin ni Tristan na siya ang ka-penpal ni Dani. Abangan n’yo ang eksenang ‘yun sa Start-Up PH.