Gumagaling ang mga may sakit, ang naluging negosyo, malabo!

ni Ka Ambo - @Bistado | February 19, 2021

Pinaluwag na ang pagpasok sa mga resort sa mga lalawigan.

Malaki ang tama ninyo!

◘◘◘

Puwedeng iutos ng gobyerno ang pagbubukas ng lahat ng larangan.

Pero maiuutos ba nila ang “mabuhay” ang patay nang negosyo?

Kitam, nakita ninyo na ang “hinahanap ninyo”!

◘◘◘

Puwedeng gumaling ang maysakit na tao, pero hindi puwedeng buhayin ang bangkaroteng negosyo.

Hindi nauunawaan ng gobyerno ang kanilang ginagawang paghahari-harian!

◘◘◘

Karapatang ng tao na bumiyahe at kumilos nang malaya.

Isang karapatan ‘yan na ginagarantiyahan ng Konstitusyon.

Walang exemption d’yan!

◘◘◘

Kapag nilabag ang fundamental law, krisis ang kinauuwian niyan.

May krisis, hindi dahil sa COVID.

May krisis dahil palpak at nilabag ang karapatang-pantao!

◘◘◘

Kahit imanipula ang datos, walang kauuwian ‘yan kundi ang maglaho na ang COVID.

Pagkahaba-haba man ng prusisyon—sa simbahan din ang tuloy.

D’yan din mismo patungo ang buong daigdig, pero ang gobyerno—nganga pa rin!

◘◘◘

Dapat nang bumuo ng bagong task force.

Ito ay ang “Task Force Recovery” sa lahat ng antas—barangay, munisipyo, siyudad, lalawigan, rehiyon at pambanda.

Magtalaga ng “Recovery Czar” na aktuwal na ekonomistang pang-masa!

◘◘◘

Nagkakagulo sa Myanmar dahil sa panghihimasok ng mga dayuhan.

Huwag sanang maganap ‘yan sa Pilipinas!

◘◘◘

Ibinulgar mismo ni P-Digong na ginawa nang kampo military ng US ang Subic dahil sa VFA.

‘Yan ay simula na ng panghihimasok ng US sa loob ng teritoryo ng Pilipinas gamit ang “China issue”!

◘◘◘

Hindi naidepensa ng US ang Pilipinas nang agawin ng China ang Panatag Shoal sa Masinloc, Zambales.

Nambobola lang sila, ano ba?