Gulo 'to! HEART, MAKA-LENI, MISTER NA SI CHIZ, KINA SARA-BBM NAMAN

ni Nitz Miralles - @Bida |February 07, 2022

Nabasa sa “Breaking News” na tutulungan ni Mayor Inday Sara Duterte ang kandidatura sa pagka-senador nina Atty. Sal Panelo, Robin Padilla at Sorsogon Gov. Chiz Escudero.

Curious ang mga supporters ni Heart Evangelista kung ibig sabihin ba nito ay susuportahan ng aktres ang kandidatura ni Sara sa pagka-vice-president? Ibig din daw bang sabihin, susuportahan na rin niya ang kandidatura ni Bongbong Marcos?

Eh, ang alam ng mga supporters ni Heart, si VP Leni Robredo ang susuportahan niyang presidentiable.

Samantala, last week na ng I Left My Heart in Sorsogon, pero ayaw pa ring sabihin ni Heart kung sino ang pipiliin ni Celeste (Heart) kina Tonito (Richard Yap) at Mikoy (Paolo Contis).

“Sumasakit din ang ulo ko sa kaiisip at pati ako nahihirapan. Every time I have a scene with them, nagdurugo ang puso ko. Puwedeng balikan ko si Mikoy dahil siya ang nakakakilala kung sino ako. Pero, nagbago na rin si Celeste, so I’ll leave it to destiny. I really pray sa finale, right decision ang gagawin ni Celeste.”

Sa mediacon pa rin ng I Left My Heart in Sorsogon, kinumpirma ni Heart na may ginawa siyang show sa Netflix. Hindi lang nito kinumpirma kung Bling Empire ito.

“Definitely, I did film for a show in Netflix. Hindi ko sasabihin kung sa Bling Empire. Hindi ko alam, sa totoo lang, kung kailan siya lalabas. Kasi with anything abroad siguro, parang 'di mo siya aasahan, because it’s really destiny for me if you want to achieve anything in Hollywood.”

Dagdag ni Heart, walang tumutulong sa career path niya sa Hollywood. Wala siyang solid plan at bonus na lang kung saan man siya dalhin.