Gradweyt na sa training bilang PSG… MATTEO, NO. 3 SHARPSHOOTER SA 80 STUDENTS

ni Nitz Miralles - @Bida | October 26, 2022

Tapos na ang training ni Matteo Guidicelli sa PSG VIPPC o Very Important Person Protection Course at ginawa sa PSG Malacañang Park ang Joint Closing Ceremony.

Ang mga members ng VIPPC are dedicated to ensure the protection of the president, his immediate family, as well as visiting heads of state or government.

Kaya hindi na tayo magugulat na makita si Matteo na kasama ni President Bongbong Marcos at ng kanyang pamilya o ng mga bumibisitang head of state para mangalaga sa kanilang kaligtasan.

Si Matteo ang first celebrity reservist na nag-undergo ng nasabing training. May rank siya na 2nd Lieutenant sa Philippine Army Reserve Command. Ang asawang si Sarah Geronimo ang nag-pin ng graduation medal ni Matteo.

Post ni Matteo, “Thank you to my family and friends. It was an honor to train with the best from the PSG.”

May photo si Sarah na hawak ang Certificate of Merit na natanggap ni Matteo at nakalagay doon ang “2LT GIANMATTEO V. GUIDICELLI O-153109 PA (Res) for having been adjudged as class SHARPSHOOTER NR 3 in a class of Eighty (80) students of VIP Protection Class 129-2022.”

Number three si Matteo sa mga sharpshooter sa batch niya, ang galing!

Pero, tama kaya ang mga netizens sa iniisip na papasok sa pulitika si Matteo in the future? Tipong pinaghahandaan na raw nito ang pagpasok sa pulitika.