GRACE LEE, NAGPRODYUS NG KOREAN MOVIE, 200 PINOY ACTORS ANG ISINAMA SA CAST

ni Nitz Miralles - @Bida | August 28, 2022

Grabe ang action scenes ng Korean movie na Hunt na napanood namin sa imbitasyon ng Glimmer Inc., a content production company owned and founded by Grace Lee, a TV personality and businesswoman na active sa media industry as TV host, radio DJ and news anchor.

Non-stop ang action scenes ng Hunt starring Squid Game’s Lee Jung-gae na siya ring director ng movie na five years in the making. Kasama sa mga rason ng delayed showing ay ang COVID-19 pandemic.

Isa ito sa mga pelikula na hindi ka tatayo para walang ma-miss na eksena, lalo na ang action scenes.

Number one ito sa Korea at umaasa si Grace na magna-number one rin dito sa atin.

Kasama sa cast ng No. 1 action-packed movie si Jung Woo-sung na sabi ni Grace, ang Brad Pitt ng South Korea na hindi lang guwapo, mahusay ding umarte.

Nakakaloka ang twist ng story na hindi mo mae-expect na ‘yun ang mangyayari. Hindi naubusan si Director Lee Jung-gae ng plot twist at kung paano gugulatin at pag-isipin ang mga moviegoers. Pati ang female cast, palaban, ang huhusay!

Showing sa August 31 ang Hunt. Watch it and be the first to watch the movie na naimbitahan sa Cannes Film Festival at nagustuhan ng Cannes ang espionage film. Iba ang lighting nito, pati ang tinawag na color palette.

Second movie na ito na distributed by Glimmer at may mga susunod pa at ang third movie nga, pupunta rito ang Korean cast para mag-promote. Hindi pa sinabi ni Grace ang title ng movie, pati ang title ng Korean movie with Filipino cast na dito ginawa ang shooting.

“This is a co-production movie and we hired 200 Filipino actors. Some of them, big stars na hindi pa rin puwedeng sabihin ang title, pati ang cast. Gusto ng Koreans mag-shoot dito and they want to set up a company to legalize everything. Punumpuno ang Glimmer this year, and our vision is to produce content with Korean and Filipino stars. Gusto kong isama ng Korea ang Philippines sa inikutan nila to promote their movie dahil ‘di sila umiikot sa South East Asia,” sabi ni Grace.