Grabe raw ang pinagdaanan… DOKYU SA HEALTH JOURNEY NI KRIS, INIHIRIT NG FANS

ni Nitz Miralles @Bida | August 11, 2026

Photo: IG _krisaquino

May short update si Loi Villarama kay Kris Aquino at sa Netflix project nito. 

Ikinatuwa ng mga nakabasa ang post niyang: “Back to work si Ms. Kristina Bernadette Cojuangco Aquino. Nabitin ba kayo sa Episode 1? Abangan ang Queen of All Media this August only on Netflix.”

Hindi nabanggit ang date ng susunod na airing ng C.H.I.K.A. (Chief Head of Insight and Kontent Analysis), pero marami na ang nag-aabang at marami rin ang nag-comment sa post ng Netflix. May 2,932 comments na at karamihan, nagpahayag ng tuwa sa pagbabalik ni Kris at sana, masundan pa raw.

May request ang mga fans ni Kris sa Netflix na kapag nagawa, sobrang ikatutuwa ng mga supporters at mga nagmamahal sa Queen of All Media.

Sey ng isang netizen, “How about a Netflix documentary about Kris’ health struggles and the happy recovery (she gained weight and the positive aura is back). I’m sure Kris has saved some videos. It can be a combination of past videos and current interviews with her caregivers, doctors and, of course, Kris.”

May nag-comment pa ng “Grabe ang pinagdaanan ng isang @krisaquino—the assassination of her dad, her mom Cory became president during the EDSA Revolution, the EDSA rallies, love life and heartbreaks, losing trusted friends, then battling a long illness.

“But she’s still standing. It has to be for her kids and faith can truly move mountains... Praying for her breakthrough because she deserves it so much. Her resilience? Nakakabilib talaga. Love, love, love.”

---

BIRTHDAY gift daw kay Sanya Lopez ng boyfriend ang huge flower bouquet na alam mong special dahil hindi binibitawan ng aktres. Dala-dala nito ang bouquet sa pag-iikot at pagbati sa kanyang mga bisita. Blooming at glowing din ang aktres at ang biro sa kanya, obvious na in love.

Dahil may birthday gift, for sure, nasa party ni Sanya ang boyfriend. Hindi lang nag-post si Sanya ng photo nilang dalawa, pero may isang larawan ng isang guy na non-showbiz at mukhang foreigner. Siya na kaya ‘yun? 

Wala ring nagbanggit sa kanyang mga bisita ng dyowa ng aktres at konti pa lang ang nakakakita.

Sa post ni Sanya, ang sabi, “Still feeling so loved from last night.

“Despite the typhoon and flooding, the people I love still made their way to celebrate with me. Knowing it wasn’t easy to go out made me feel even more special and grateful.

“And to those who messaged me saying how much they wanted to be here but couldn’t because of the flooding, please know that I truly appreciate you too.

“My heart is full. Praying for everyone’s safety and for all those affected by the typhoon and flooding.”

Noong August 9 ang birthday ni Sanya at sa edad na 30, nasa tamang edad na siya para mag-settle down. Kaya lang, ine-enjoy pa nito ang pagiging single at bago pa lang ang relasyon nila ng boyfriend, kaya maghihintay pa ng konting panahon ang mga fans nito bago mag-asawa ang aktres.

---

BALIKANG JOSHUA AT JULIA, KALAT NA!

WALA pa mang formal announcement, tuwang-tuwa na ang JoshLia fans nina Joshua Garcia at Julia Barretto na ibabalik daw ng ABS-CBN ang tambalan nila sa isang bagong serye ng network.

Usap-usapan pa lang ang balik-tambalan ng dalawa, nagsasaya na ang mga fans at ang gusto nila, romance-comedy ang kanilang gawin. Huwag daw munang drama dahil mabigat, pampakilig muna ang gawin nilang project para magaan ang datingan.

May nag-akala na baka ang balik-tambalan nila ni Joshua ang dahilan ng pag-alis ni Julia sa Viva Artists Agency. Anuman ang dahilan ni Julia sa desisyon sa pagbitaw niya sa Viva, ang kapalit ay ang balik-tambalan nila ni Joshua at sapat na ito sa kanilang mga fans.