Giyera sa Sudan, tuloy

ni Jenny Rose Albason @World News | July 12, 2023

Nagbabala ang United Nations matapos ang nangyaring air strike sa isang residential area na ikinamatay ng maraming sibilyan.

Nasa bingit ng full-scale civil war ang Sudan na napinsala dahil sa kaguluhan na maaaring magpahina sa buong rehiyon.

Ang air strike umano ang pinakabagong insidente sa nasabing lugar matapos ang halos tatlong buwang digmaan sa pagitan ng mga karibal na heneral ng Sudan.

Nasa 3,000 ang napatay sa labanan habang ang mga nakaligtas ay nag-report ng mga karahasan. Nagsalita rin umano ang mga saksi tungkol sa ethnically targeted killings.

Nagkaroon naman ng malawakang pagnanakaw kaya nagbabala ang UN sa mga posibleng krimen laban sa kanlurang rehiyon ng Darfur.