Ginugulo, ayaw tantanan, sumabog na… BAGONG BABAE RAW NG MISTER NI MAGGIE, UMAMING BUNTIS

ni Janiz Navida @Showbiz Special | February 11, 2023

Nakumpirma na ang matagal nang nai-chika sa amin ng aming Parites (yes, dahil boylet siya, pak!) friend na buntis nga ang non-showbiz girl na nali-link sa estranged husband ng model-beauty queen na si Maggie Wilson.

Sa mismong official statement na inilabas nina Victor Consunji at Rachel Carrasco kung saan inirereklamo nila ang diumano'y pangha-harass at panggugulo sa kanila ni Maggie Wilson thru social media sa kabila ng pag-i-stay ng former beauty queen sa ibang bansa, nabanggit na nagdadalantao nga si Rachel at baby girl pala ang dinadala nito.

Panimula ng statement ni Ms. Carrasco, "On 7 August 2022, I began to face a series of direct attacks and accusations from Ms. Maggie Wilson that maligned both mine and Mr. Victor Consunji’s person and character. These attacks resulted into on and offline harassment and bullying and carried over to our close family and friends and in some cases, to their children."

Nu'ng una raw ay pinili pang manahimik ni Ms. Carrasco pero hindi umano tumigil sa pambu-bully si Maggie.

"However, more recently, the harassment and bullying has escalated into the intrusion of my private spaces and the involvement of, and references made to my unborn daughter."

Kaya dagdag niya, hindi na raw niya mapapalampas ngayon ang "malicious acts to perpetually provoke, threaten, and subject me to public judgement and ridicule" na ginagawa sa kanya ni Maggie for personal and financial gain daw nito.

Hinamon din niya si Maggie na kung totoo ang mga claims nito laban sa kanila ni Mr. Consunji, bumalik ito sa 'Pinas at mag-file ng complaints sa tamang paraan.

"I urge her to come back to the Philippines, face the consequences of her actions, and file her complaints in the proper legal forums. Rather, she has been hiding behind her social media accounts, continuously vilifying and shaming Mr. Consunji and I, the people we love, and the justice systems of our home country she also claims she wants to go back to."

Nagbigay din ng impormasyon si Ms. Carrasco sa patung-patong na kasong isinampa nila at kinakaharap daw ngayon ni Maggie rito sa 'Pinas.

"The fact of the matter remains- the only legal cases that exist to date are that of the ones Mr. Consunji and I have filed respectively. There are now a total of 19 arrest warrants issued to Ms. Wilson for various criminal charges," aniya pa.

Samantala, sa inilabas namang official statement ng nakahiwalay na mister ni Maggie Wilson, sinabi nitong ang hindi matigil at palala nang palalang 'online attacks', bullying at harassment ng former beauty queen laban sa kanya, kay Ms. Carrasco at sa kanilang mga kapamilya at kaibigan ang dahilan kaya nagsalita na siya.

Mababasa rin sa kanyang official statement ang isinampa niyang kaso kay Maggie na inakusahan niyang nangaliwa, gayundin ang iba pa niyang akusasyon sa nanay ng kanyang anak.

"Ms. Wilson faces 3 arrest warrants for adultery. Acts she committed willingly and deemed worthy of trial by our honorable judiciary. She faces 16 arrest warrants for cyberlibel and counting. Once again, the consequences of her own ill-advised judgement and mockery of the law. She is currently a fugitive, unwilling to face judgement, fleeing as an admission of her own guilt. Her relatives, who occupy my property, are in violation of my lease contract. Lastly, she faces multiple civil cases pertaining to the collection of unrecovered funds and swindled investments."

Bilang sagot naman sa official statement nina Mr. Victor Consunji at Rachel Carrasco, naglabas din si Maggie ng 3-page series of questions and facts sa kanyang Instagram Story kung saan ang panimula niya ay tanong kung dina-divert ba ni Carrasco ang issue o ito na ang indirect na pag-amin ng huli sa kanyang pagbubuntis.

Naku, mukhang malayu-layo pa ang aabutin ng isyung ito na dapat lang siguro ay sa korte na nga nila daanin at 'wag nang sa social media para 'di pinagpipiyestahan ng mga Marites ang private lives nila lalo na't hindi naman sila mga celebrity entertainers, 'no?