Ginanap sa Sydney… NATHALIE, IKINASAL NA SA NON-SHOWBIZ PARTNER NA AUSTRALIAN

ni Julie Bonifacio @Winner | August 1, 2023

Muling nagpakasal ang sexy actress na si Nathalie Hart, and again, sa isang foriegner.

Ishinare ni Nathalie ang kanyang happiness sa socmed via her wedding photos kahapon.

Ikinasal si Nathalie sa kanyang non-showbiz Australian fiancé na si Brad Robert sa isang private ceremony sa Sydney, Australia.

Matatandaang ang unang pinakasalan ni Nathalie ay ang Indian businessman na si Mayank Sharma. May isa silang anak na si Penelope.

Caption ni Nathalie sa kanyang Instagram post: “Still can’t believe it.”

Naganap ang marriage proposal ni Brad kay Nathalie noong August, 2020. Sa interbyu kay Nathalie ay nasabi niya na na-cancel ang unang plano ng wedding nila ni Brad. Sila raw mismo ang nag-cancel dahil feeling niya ay mas nice to get married bago mag-announce ng wedding date.

Nu’ng mainterbyu naman siya sa Magandang Buhay nina Regine Velasquez, Melai Cantiveros at Jolina Magdangal ay ini-reveal niyang nakilala niya si Brad sa Facebook.

Ayon kay Nathalie, “People think it’s easy to start again, especially if you have a child. There will be problems. You have a lot of traumas that you need to fight. It’s really hard. I can’t even explain it. I’m not hiding my love life because I am embarrassed. I’m doing it because my family is part of it.”

Lumabas si Nathalie sa mga ABS-CBN shows dati gaya ng Kambal sa Uma, I Love Betty La Fea, The Blood Sisters and Pamilya Ko.