GF, isinama sa New Bilibid Prison… CRISTINE, IPINAKILALA NA NI MARCO SA DAD NA SI DENNIS ROLDAN

ni Julie Bonifacio @Winner | December 11, 2023

Very candid na nagkuwento si Marco Gumabao ng love story nila ng girlfriend niyang si Cristine Reyes nu’ng makorner namin at ng ibang digital writers sa double celebration ng beauty and skin clinic owner na si Cathy Valencia sa Marriot Hotel sa Pasay City last Thursday.

Dati kasi ay hirap at napakatipid magsalita ni Marco kapag si Cristine na ang inuurirat sa kanya ng press.

And imagine, naka-one year na pala sila as BF-GF. 

Sa panahong ito, masaya and proud si Marco sa mga nadiskubre niya kay Cristine.

Ayon kay Marco, “Alam mo si Cristine, sobrang maalaga. She really cares about me and of course ako rin. 

"We both care about each other and 'yung pinakaimportante nga, we always put God in the center of our relationship. 

"Of course, there will always be bumps along the road, but as long as you are intertwined with God, your relationship will be stronger than ever.”

Isa si Marco sa mga famous celebrity endorsers ni Cathy Valencia. 

Naitanong naman namin kay Marco kung may plano ba siya na isama si Cristine na dalawin ang kanyang ama na si Dennis Roldan sa New Bilibid Prison sa Taguig City ngayong Pasko.

Incidentally, a day after ng interbyu namin kay Marco ay kaarawan na pala ng kanyang ama. 

“Actually tomorrow, birthday ng dad ko, so we get to visit him tomorrow. Nakakatuwa kasi buong family, makakapag-visit kami tomorrow. 

“So I think that’s the essence of Christmas and that’s what Christmas is all about. 

“Of course kasama si Cristine tomorrow. Actually sobrang okay kami ni Cristine. We understand each other a lot. We ground our relationship through God and 'yun 'yung pinakaimportante sa aming dalawa. 

“So everything’s good. Okay naman kasi 'yung dad ko naman, very supportive siya sa akin. So tomorrow, second time nilang magkikita ulit,” lahad ni Marco.

Tinanong din namin si Marco kung hindi ba siya nahirapang mabuo ang relationship niya sa anak ni Cristine na si Amara.  

“Actually, no. It’s so easy to build  a relationship with her kasi ano siya, eh, outgoing siya.

She’s very ano, a people person, so, madaldal siya. She’s very talkative. She’s also a fun to talk to. 

“And, ‘yun nga, bata pa si Amara like I’ve seen her, lagi siyang dala-dala ni Cristine sa taping namin (noon).

“Yeah, hindi mahirap mag-build ng relationship with her,” esplika ni Marco.

Nagpapraktis na rin daw siya na maging ama someday.

“Yeah, I mean, oo. Kasi siyempre, like ‘yan, ‘yung mga friends ko, inaasar ako. But you know what, it’s fun. It’s also a sense of responsibility, ‘di ba? 

“Kumbaga, dati, kung ako, happy go lucky… wala, for the longest time I was in a relationship. But now, of course, everything was like 180 (degrees turn) for me, which… I like, oo.

“Siyempre ano, hindi na ako bumabata. Tumatanda na ako," pag-amin pa ni Marco.

Magti-thirty na pala si Marco sa 2024.

Samantala, spotted din sa birthday celebration ni Cathy Valencia at 18th anniversary ng CV Advanced Skin Clinic ang iba pang celebrity endorsers nila like Jessy Mendiola, Sunshine Cruz and her daughter Angelina, Alyssa Muhlach, Kitkat, John Prats and Isabel Oli, Mario Mortel, McCoy de Leon and Elisse Joson, Ronnie Alonte at Loisa Andalio, at marami pang iba.