Ganern, Mateo? HIRIT NG FAN: SARAH, 'DI MUKHANG ARTISTA 'PAG WALANG MAKEUP

ni Beth Gelena - @Bulgary Files | March 29, 2022

Sa socmed ni Matteo Guidicelli, pinasalamatan niya ang misis na si Sarah Geronimo at ang pamilya niya dahil naging punong-abala nang magselebreyt siya ng kanyang kaarawan.

Nakasakay sina Matteo at Sarah sa kabayo at mukhang magho-horseback riding. Sa larawan ay naka-maong at t-shirt si Sarah kaya may pruwebang hindi pa nga siya buntis.

Sabi nga ng mga netizens, "Enjoy-enjoy lang muna silang dalawa as a married couple kasi 'pag may mga anak na, naka-focus na sa mga anak nila, madalang na ang mag-solo sila."

"The husband is more into spotlight than his wife, low key lang kasi talaga si girl ever since."

Isang intrigera naman ang nag-comment na, "Out of the picture 'yung family ni Sarah."

"Sweet. I'm sure kundi dahil kay Matteo, 'di mae-experience ni Sarah ang mga ganyang adventures like horseback riding."

"Private lang kasi si Sarah, for sure naka-experience na 'yan ng horseback riding before."

Komento naman ng isa, "Hindi mukhang artista si Sarah 'pag hindi dolled up."

Mai-share ko lang, habang pinapanood ko ang Masked Singer Pilipinas hosted by Billy Crawford sa TV5 nitong nakaraang Sabado, isa sa mga hurado ay si Matteo kasama sina Bayani Agbayani, Aga Muhlach, Cristine Reyes at Kim Molina.

May portion na nagkakatuwaan ang tatlong guys kung saan na-mention ni Bayani si Mommy Divine, ang ina ni Sarah.

Ani Bayani, "Magkakabati na sila ni Mommy Divine."

Ngumiti lang si Matteo, pero hindi siya nag-react.

Mukhang totoo nga ang nabasa namin sa isang article na lumabas a week ago. May tsika na lumalambot na raw ang puso ni Mommy Divine sa mag-asawa. Baka nga raw magkaayos na sila.

Hmmm... teka lang, saan kaya kuha ang larawan nina Sarah at Matteo?

Nasa isang farm kasi ang dalawa na parang feeling namin ay ang farm ng family ni Sarah sa Tanay, Rizal.

At ang caption ni Matteo sa picture nila ni Sarah, "Every year gets better and better! Thank you to my loving wife and my family for all the love anyone could WISH for!

"And big thank you to everyone for all the birthday greetings! Really appreciate it!"

So, what do you think, my dear readers? Nagkaayos na ba sina Matteo at Mommy Divine?