Game sa GL movie… GABBI, TAKOT MAWALAN NG TRABAHO, ATRAS MAG-BEAUTY QUEEN

ni Vinia Vivar @Frankly Speaking | May 26, 2025

Photo: Gabbi Garcia - IG

Bet din pala ni Gabbi Garcia na gumawa ng GL (girl’s love) movie, babae-sa-babae ang love team.

“It’s a role that I haven’t done. So yes, why not?” sey ng Kapuso actress sa panayam ng GMA-7.

Pero ayaw na raw niyang mag-name drop kung sino ang gusto niyang maging leading lady.

“But as long as the script is nice, I would do it,” aniya.

Bukod sa GL ay marami pa raw siyang roles na gustong gampanan.

“I also have a lot of roles that I wanna do. I want a GL, I want to do a project na maybe like similar (to) like Devil Wears Prada, ‘yung mga about fashion. I’m just really game to explore more,” pahayag ng isa sa mga bida ng Slay drama series.

Sa kanyang panayam naman sa Fast Talk with Boy Abunda (FTWBA) kagabi ay muling natanong ang aktres tungkol sa pagsali sa beauty pageants.

“I’m turning 27 this year so it would have been the perfect time to join, right? Pero nga kasi,

I’ve been saying I’ve been open about this, there are a lot of factors to consider if I could join or not,” sey ni Gabbi.

Isa raw sa mga consideration niya siyempre ay ang kanyang existing endorsements.

“You know, relationships with brands na baka ‘di mai-push kung sumali ako because I would have to drop everything or pause everything. [In] short, I would be jobless for maybe a year or two if I continue to join. So I don't think it's the smartest thing to do right now,” sey niya.

Pero aminado naman siyang gusto niya talagang mag-join kung siya lang talaga ang masusunod.

“Kung ako lang talaga and wala akong ibang isa-sacrifice, I would have joined. Maybe I could have tried and tried already until I reached the crown, right? But as of now, you know, there are different priorities that I have to weigh as well now that I’m in the industry for 11 years. So until now it’s still an unanswered thing in my head,” saad niya.

“May mga bagay na kahit na gustung-gusto natin para sa sarili natin, sinasabi na ni Lord at sinasabi ng destiny na ‘di s’ya muna para sa ‘yo. So, I’m not closing my doors, definitely. I’m still open. But as of now, I have different things to prioritize,” sey ng aktres.

Noon pa ay nasabi na ni Gabbi Garcia na childhood dream niya ang maging beauty queen.

---

DAIG pa ni Janice de Belen ang tumama sa lotto sa labis na kasiyahan nang i-post niya ang mga larawan ng encounter nila ng kanyang hinahangaang South Korean actor na si Song Joong Ki (SJK).

Isa si Janice sa mga dumalo sa fan meet ng nasabing South Korean superstar na ginanap sa Mall of Asia Arena (MOA) nitong nakaraang Sabado ng gabi, May 24.

Hindi akalain ni Janice na siya ang mapipili ni Song Joong Ki sa crowd para umakyat sa stage at tanggapin ang flower arrangement na kanyang ginawa.

Makikita nga sa mga larawang ipinost ng aktres ang pagsasama nila sa stage ng kanyang idol at take note, nagyakap pa silang dalawa.

Sa caption ni Janice ay ramdam na ramdam namin ang kanyang saya.

“TONIGHT WAS A SUPER, SUPER AMAZING NIGHT!!! I REALLY DID NOT EXPECT TO BE ON THE SAME STAGE AS MY CRUSH!!! MAY BONUS PANG FLOWERS AT MARAMING YAKAP!!! HE IS MY ULTIMATE FAVE KOREAN ACTOR!!!” sey ni Janice.

Tsika pa niya, ang hit Korean drama ni SJK na Descendants of the Sun (DOTS) ang pinanood niya matapos ang pagpanaw ng kanyang ina at nakatulong daw ito nang malaki upang maibsan ang sakit na kanyang nararamdaman that time.

“HE HOLDS A SPECIAL PLACE IN MY HEART (NAKS), BUT SERIOUSLY, DESCENDANTS OF THE SUN WAS WHAT I STARTED WATCHING WHEN OUR MOM PASSED AWAY... IT HELPED ME SO MUCH TO RECOVER FROM THE SADNESS AND THE PAIN. AFTER NU’N, MAHAL KO NA S’YA,” aniya.

“SO TONIGHT WAS MONUMENTAL FOR ME!!! BUTI NA LANG HINDI AKO NAIYAK OR HINIMATAY,” saad pa ng aktres.

“THANK YOU MARE! @ogie_diaz FOR TAKING ME TO THIS TONIGHT! ALAM KO WILD ‘YUNG JETLAG MO!!! THANK YOU, SIR ALLEN MARVIN OF @iamworldwideofficial! THANK YOU SA LAHAT NG NAGPADALA SA AKIN NG VIDEOS AND PICS!!! THANK YOU @hi_songjoongki FOR BEING SO NICE! YOU MADE YOUR FILIPINO FANS SO HAPPY,” ang walang humpay na pasasalamat ng aktres.