Friends lang daw pero… YASSI, WALANG PALAG SA 'HOLDING LEGS' NI GOV. LUIGI

ni Nitz Miralles @Bida | August 26, 2023

Na-interview si Yassi Pressman ng 24-Oras sa first taping day nito ng Black Rider at natanong sa pagkaka-link niya kay Camarines Sur Governor Luigi Villafuerte.

Sabi ni Yassi, 10 years na silang magkakilala ni Luigi, nagkita lang yata uli, nag-reconnect, kaya they are spending time together and getting to know each other more, kaya siguro nagiging madalas ang kanilang pagkikita.

Nanghinayang ang mga fans na hindi natanong si Yassi sa nag-viral nilang mga photos ni Luigi na tinawag ng mga netizens na "holding legs" sa halip na "holding hands" dahil nakahawak si Luigi sa legs ni Yassi.

Ayaw tuloy maniwala ng mga netizens na friends lang ang dalawa dahil sa mga larawang ‘yun.

Hindi raw galawang magkaibigan ‘yun at hindi papayag si Yassi na hawakan siya sa hita kung friends lang sila.

Siguro naman, may paliwanag si Yassi sa nag-viral na mga photos nila ni Gov.

Kasi naman, bakit pa inilabas?

Samantala, masaya ang first taping day ni Yassi ng Black Rider at binigyan siya ng bouquet ng production na kanyang ipinagpasalamat sa kanyang Black Rider family. Sina Rio Locsin, Ashley Sarmiento at Matteo Guidicelli ang mga nakaeksena niya.

For her Vanessa character, nag-training ng shooting si Yassi, pati na motorcycle training at nakatulong na nagmo-motor na siya dati pa at naging sport ang motocross, kaya hindi na ito bago sa kanya.